كشف الفنان شريف رمزي أخر التطورات الحالة الصحية لشقيقه المنتج صلاح رمزي الصحية، الذي تعرض بوعكة صحية شديدة في المخ منذ أشهر، وتم حجزه في إحدى المستشفيات، خلال حواره مع برنامج انسايدر بالعربي.
وقال شريف رمزي: «هو تجاوز عمليات كتير جدا والمشكلة إنه خلاص تعافى جسمانيا من العدوى اللي كانت موجودة عنده من شهر 7، ولكن حاليا هو لسه في كومة والكومة دي مش بايد حد غير ربنا، عشان كدة دايما بطلب من الناس تدعيله».
وأضاف:«مفيش حاجة حاليا لا في إيدينا ولا في إيد الدكاترة ومفيش مثلا دواء بيفوق الكومة، واحنا على طول معاه وأمي وخطيبته، وأنا على قد ما أقدر بوفق بين شغلي وتواجدي معاه في المستشفى، ويارب يقوم بالسلامة في أقرب وقت لأنه كابوس وصدمة كبيرة وإن شاء الله نتخطاها».