روى مواطن مصري يعمل في إيطاليا مشكلة شخصية وعائلية يعاني فيها، كانت ضيحتها أمه، قائلا إنها تعرصت لأشكال من الإهانة على يد زوجته التي استغلت سفر الابن.
وقال صاحب المشكلة، لـ”أوان مصر”: “اتجوزت وسافرت، وطول ما أنا في سفري كانت زوجتي تبهدل أمي وتهينها ومشغلاها خدامة لها، وعملت فيها عمايل لاتعمل وكل ده من غير علمي وأمي مترضاش تقولي عشان متنكدش عليا في غربتي وتحافظ علي بيتي من الخراب لأني لو عرفت مش هسكت علي كده ابدا”.
وأضاف: “لما كنت أبعت لأمي فلوس كانت مراتي تاخدها ومتديش أمي مليم واحد”، مشيرا إلى أنه عندما كان يهاتف والدته كانت تقول له إنها وأن زوجته في مقام بنتها، وعندما يتصل بزوجته تقول له “دي زي مامتي بالظبط”.
اطلاق مبادرة “أصلك الطيب” لمشاركة المصريين بالخارج بـ”حياة كريمة”
وأكمل: “كنت أفرح وأقول ربنا يديم السعادة والمحبة بينكم، وفضلنا علي كده ٥ شهور وأنا مسافر معرفش إيه اللي بيحصل من ورايا لحد مالموضوع زاد عن حده”.
وكشف: “الجيران لاحظوا إن أمي شايلة شغل البيت كله واخواتي البنات عايشين بعيد عن والدتي ووالدي متوفي وأنا ولد وحيد، كانت تكلم أخواتي برضو مترضاش تقلهم حاجة”.
وتابع: “إخواتي جم زيارة، واحدة حكتلهم كل اللي بيحصل وواجهتهم بعض زوجتي ووالدتي مع الضغط عليها بكت بحرقة وقهر وقالت كل حاجة، حصلت مشادة بينهم وطردوها من بيتي وأنا مكلمتهاش”.
وختم طالبا حل للمشكلة: “اللي حارق قلبي أمي، هل أنا ليا ذنب في اللي حصل وموقفي مع مراتي هيكون إيه بعد اللي حصل؟”.