تحدث التونسي “علي معلول” الظهير الأيسر للنادي الأهلي، من خلال استضافته في برنامج “معكم” مع الإعلامية “منى الشاذلي” المُذاع عبر قناة cbc، عن فترة انضمامه للنادي الأهلي والفوز بالثلاثية.
وقال: “في معسكر المنتخب التونسي ساسي قالي احنا فرق بينا 5 نقاط في جدول الدوري المصري، قولتله عادي هنرجع الفرق دا وكل واحد هياخد مكانه الطبيعي”.
وتابع: “الناس في مصر بتحبني بجد، لدرجة إن في ناس كتير مبترداش تاخد مني فلوس سواء في مطاعم أو أي حاجة، وفي مرة عامل الدليفري جابلي أوردر ومرديش ياخد فلوسه ومشي”.
وأكمل: “أنا بسمع زي الناس عن عرض بيراميدز، ومبيهمنيش فلوس انا واخد الدوري المصري ودوري الأبطال والكأس”.