علق المطرب مصطفى كامل على تصريحات الأخيرة للمطرب والملحن عمرو مصطفى حول الهضبة عمرو دياب بأنه ليس له أي فضل عليه، وذلك خلال لقائه ببرنامج حبر سري الذي تقدمه الإعلامية اسما إبراهيم،الذي يتم عرضه على شاشة قناة القاهرة والناس.
وقال مصطفى كامل: “مش عايز أقول لفظ وحش، نُكران الجميل وحش، وده نُكران جميل، وعمرو مصطفى ناكر جميل عمرو دياب”.
وأضاف: “كنت واخد عهد على نفسي ألا أتطرق لـ عمرو مصطفى، ورغم زعلي منه إلا أنه مُلحن كويس وجميل وشاطر، بس أوعى تنسى إنك كنت بتيجي الاستوديو وأنا موجود علشان تبقى موجود في قاعدة فيها عمرو دياب.. أنا شُفتك وماليش دعوة جيلك شافك ولا لأ، ولكني شُفتك وأنت بتيجي علشان بس تكون مجرد واحد قاعد في قاعدة فيها عمرو دياب”.
واختتم مصطفى كامل حديثه: “في فرق كبير لما تتكلم على حد واقع، لكن عمرو دياب في حتة تانية يا جماعة خالص، فيه أسامي مينفعش ولا يليق مع أي حد فينا لما يختلف معاها يطلع يتكلم عليها كده، مينفعش وعيب كده، وبعد 10 سنين عمرو دياب هيفضل عمرو دياب”