أوضح الفنان مصطفى شعبان، الهدف من عرض صورة نجم الكرة العالمي محمد صلاح في أحد مشاهد المسلسل أثناء انغماسه في أداء التمرينات الرياضية.
وقال “شعبان” خلال حواره مع برنامج “et بالعربي”: “ردود الأفعال الحمد لله كويسة وبتزيد كل يوم عن اللي قبله، وفيه حاجة حلوة أنا لاحظتها في المسلسل ده، أنه هو جبلنا نوع جديد من المشاهدين، اللي هما المراهقين، مكنوش قريبين اوي من الدراما العربية، كانو اقرب للاعمال الاجنبية والتطبيقات الرقمية”.
وأضاف: “طبعا ليه دلالة من الفيلم التسجيلي المعمول عنه، ان انت تمشي ورا حلمك ومفيش حاجة تكسرك، والانسان لو متعبش وكافح مفيش حاجة هتجيله، لو مفشلتش مش هتعرف تنجح”.
View this post on Instagram
مصطفى شعبان عن “دايمًا عامر”: لو مفشلتش مش هتعرف تنجح.. وجمهورنا من المراهقين
من جانبه، أكد النجم مصطفى شعبان، ثقته بنفسه ولكن دون الغرور، قائلا: “بحب الثقة في النفس ولكن الغرور حاجة تانية وأنا بتفرج على نفسي وانتقد نفسي عشان كده بتجنب اتفرج وباشتغل من ساعة ما اصحى لحد ما أنام وطول الوقت بفكر في الشغل”.
وأوضح، خلال حواره ببرنامج “حبر سري”، مع الاعلامية اسما إبراهيم، على قناة القاهرة والناس، أنه يكون في قمة الهدوء خلال اللحظات التي يتعرض فيها للهجوم، مضيفا: “بكون هادي جدا في لحظات الهجوم والعمل الفني وبقبل الهجوم والدفاع وأقبل كلام الجميع”.
ورد على موقفه من تقديم جزء ثاني من مسلسل ملوك الجدعنة، قائلا: “كان فى اقتراح بتقديم مسلسل ملوك الجدعنة 2 وكنت مرحب بالفكرة ولكن لم اتحمس لما قدم للجزء الجديد أنا وعمرو سعد، وكان عندي حماس ولا زال لتقديم المسلسل ولكن بشكل معالجة مختلف وممكن يكون السنة الجاية”.