هاجم مطرب المهرجانات مسلم، منتج المهرجانات سلطان الشن، بعدما تهرب من دفع كافة مستحاقاته من الاغاني التي طرحها خلال الفترة الأخيرة.
وقال مسلم خلال فيديو مباشر عبر حسابه الرسمي بموقع التواصل الاجتماعي “إنستجرام”: “هو دخل المجال عشان في كل اغنية اسمه يتقال، يعني لما اقول في الاخر اسمه الشن، يا اما اطلعه معايا في الكليب، ده اللي هو عاوزو، طب يا استاذ يا محترم انا عملتلك ده فين بقى حق البني أدم اللي شغال معاك وصان العيش والملح”
وأضاف: “من سكت عن الحق شيطان اخرس وانا عمري ما هسكت عن حقي، يعني انت دافع لشركة انتاج تانية عشان تاخد مسلم وتذله مثلا، مع انا عندي شركات تانية كتير تتمنى تدفعلي، عشان انا شخص كويس ومحترم وبتاع شغل، وانا مش بتاع مشاكل”.
View this post on Instagram
أزمة مسلم وسلطان الشن
كشف مطرب المهرجانات مسلم، عن أزمته مع منتج المهرجانات سلطان الشن، موضحًا سبب الخلاف بينهما، بعد العديد من التعاون الغنائي المثمر.
وبث مسلم فيديو مباشر، عبر حسابه الرسمي بموقع التواصل الاجتماعي “إنستجرام”، وقال به: “فيه كلام مهم جدا ولازم اقولو، ده غير اللايف بتاع بكرة اللي هنزله، عشان لازم كل واحد ياخد حقه والناس تفهم، ومبقاش انا عديت الاصول في حاجة، انا كنت الاول مع الاستاذ هاني محروس وكنت انا وسلطان الشن كنا لسه مش جامدين اوي في التراكات زي اي اتنين بيشتروا من منتج اغنية، فهو جيه فترة واتخانق مع حودة بندق وانا ماليش دخل باللي حصل، يعني انا حتى لو زعلان منه فأنا ماليش دعوة بردو، والمهم ان الراجل ده عمل كل حاجة عشان ياخدني امضي معاه في الشركة، وانا كنت بدور على حد يعاملني كأخ مش كمنتج لأن انسان كويس وفي حتة لوحدي”.
وأضاف: “فطبعا قولتلو يا سلطان لو عايز تخلص الموضوع روح كلمه وراح فعلا كلموا وبقيت مع سلطان في الشركة، اول حاجة العقد اللي مضيت عليه معاع مكنش فيه سنين ولا شرط جزائي ده غير اني لسه مكملتش ال 21 سنة فوالدتي هي اللي كانت ماضية، فأنت مجبتش والدتي شخصيا اللي مضت لاستاذ هاني تمضيلك العقد فديه اول حاجة عدتها، تاني حاجة انا مأخدتش منك اي حاجة، هو مجرد اتفاق ما بينا اننا ننزل اغاني على القناتين بتاعتي وبتاعته”.
وأردف مسلم: “وقالي تمام جدا والكلام ده كله متسجل في شات ما بينا، وبعد ما الاتفاق حصل وبعد ما مضينا العقد وعملنا اغنية يا اصفر، راح صالح حودة بندق، وانتو طبعا عارفين المشاكل اللي كانت بيني وبين حودة بندق، وتاني حاجة بين للناس حاجات وظهرني انا اللي وحش وانا صحيت على مفاجأة رغم انه كان بيقولي من يومين بلاش تصالحه ولا تكلمه وانا خايف تروح تصالحه، وقولتلو انا والله يا سلطان عمري ما اروح اخون العهد ولا اعمل حاجة تزعلك، مع ان الشخص ده شتم عليه وقال حاجات كتير اوي وفي الاخر رجعه سمنة على عسل”.