كتبت ريم جاد
علق “مرتضى منصور” رئيس مجلس إدارة نادي الزمالك، عن أزمة تأجيل مباراة القلعة البيضاء أمام الرجاء المغربي ضمن منافسات دوري أبطال إفريقيا.
وقال مرتضى منصور في تصريحات تليفزيونية: “أنا بقول اهو حياة وصحة أصغر لاعب في النادي الأهلي مش بقى في الرجاء بس ب 100 بطولة وده اللي اتعلمناه ودي الأخلاقيات وده اللي لما حسني مبارك الله يرحمه اسقطوا نظامه كنت أنا الوحيد الي يطلع ادافع عنه رغم أنه اعتقلني كذا مرة وكان كله مستخبي تحت السرير”.
وأكد: ” اتنين من الفريق الرجاء بيتقال النهارده أنهم جالهم كورونا وبقوا 12 لاعب طب أي أخلاق لينا كنادي الزمالك وكمصريين اقول لا لازم نلاعبه وهما عيانين ونخلص عليهم”.
وأضاف: “هو اشمعني مرتضى منصور اللي طلع لما المصري والأهلي والكابتن محمود الخطيب صمم يلاعب المصري وهما عندهم لاعيبة عندها كورونا وأنا اللي طلعت عاتبت الخطيب وقولتله ازاي تلاعبهم وعندهم ناس تعبانه”.
وتابع مرتضي : “الناس بتكلمني من المغرب من الصبح وبتقولي نادي الزمالك ده حاجه كبيرة اوي عندنا”.
وواصل: ” الاتحاد الإفريقي عندكم أهو والبيان معاكم هل مكتوب فيه كلمة أن القرار اتاخد علشان مرتضى منصور موافق”.
وأكمل: ” لما إحنا جينا وقت بداية الدور نصف النهائي وكان المفروض يتلعب في شهر نوفمبر وأحمد أحمد كلمنا كلنا وأنا قولتله مش موافق على التأجيل علشان مكنش فيه أي حالات كورونا ظهرت بين الاربع فرق علشان نخلص من عمرو الجنايني وقرفه وكلم الخطيب وقاله انا مش موافق على التأجيل وكلم سالم الشمسي قاله نفس الكلام”.
وأردف: “لما الكاف عمل الفيديو كونفرنس أنا وبيراميدز صممنا على موقفنا ومحمود الخطيب غير رأيه وكنت أنا وقتها قايل رافض وأجله شهر عادي”.
وأنهي رئيس نادي الزمالك: “أنتم عايزين إيه تاني أنا لو جبل كان وقع لكن احنا بنتكلم عن هرم اسمه الزمالك زي ما بنتكلم عن هرم اسمه الأهلي والاتحاد والمحلة والمنصورة والإسماعيلي”.
والجدير بالذكر أن نادي الزمالك سيواجه فريق نهضة بركان ، المقرر إقامتها في الأول من شهر نوفمبر ، علي استاد القاهرة الدولي ، بإياب الدور النصف نهائي من دوري أبطال أفريقيا ، في حين ينتظر النادي الأهلي الفائز من الفريقين في النهائي ، بعدما فاز علي نظيره الوداد المغربي بنتيجة 5/1 بمجموع المواجهتين.
اقرأ أيضا :
للتتويج بالبطولة الأولي في تاريخه.. بيراميدز يلتقي نهضة بركان بالكونفيدرالية