وجه المستشار مرتضى منصور رئيس نادي الزمالك، رسالة لكل الأشخاص الذين يتطاولون عليه بأحاديث اعتبرها هو منافية لما يقوم به.
وصرح مرتضى منصور في جلسته الخاصة مع لاعب الفريق محمود عبدالرازق شيكابالا ونجليه أمير وأحمد، للحديث عن أمور متعلقة بالفريق الأول لكرة القدم.
تصريحات مرتضى منصور
وقال مرتضى منصور:” أول مارجعت للمجلس بدأت صفحة جديدة مع النادي الأهلي، لنبذ التعصب، وقولت في المؤتمر الخاص بي بعد رجوعي مرة تانية إني بفتح ذراعي لكل الناس ومش بعادي حد”.
وأضاف رئيس الزمالك:” في صفحات على السوشيال ميديا بتحسب نفسها على نادي الزمالك، واعترضوا أما قولت الكلام دا عن مجلس الأهلي، وفتح صفحة جديدة مع إدارة الأهلي”.
وواصل:” يا جماعة مجلس الأهلي بيبدأ ولاية جديدة، وأنا لسه راجع بعد استبعادي لمدة عام كامل، مينفعش أجي أعمل عداوة مع الخطيب وأضرب في الخطيب”.
وتابع:” هنتعامل على حسب المواقف، لما يكون في مناسبة للخناق هنتخانق، ولما يكون في تهنئة هنهنئ، أنا محدش بيمشيني”.
واستطرد :” أنا محدش بيمشيني على فكرة، ومفيش حد في الدولة بيمشيني ولا وزير ولا السيد رئيس مجلس الوزراء، ولا أي جهة سيادية في الدولة قالتلي يا مرتضى اعمل دا”.