علق الإعلامي الكبير محمود سعد على الأنباء التي تتداول حول اختطافها، وطالبها بالظهور لجمهورها ومتابعيها لكشف الحقيقة، مؤكد خلال حديثه أن مصر هي هوليوود الشرق.
كما استعرض الإعلامي محمود سعد في بداية الفيديو أول ظهور لـ آمال ماهر واكتشاف صديقه الراحل الملحن والموسيقار الكبير عمار الشريعي لها، وكيف قدمها في حفل أمام الرئيس الراحل محمد حسني مبارك، مؤكدا أن فقرتها كان من المقرر آلا تتجاوز 5 دقائق لكنها أطالت عن ذلك لإعجاب كل الموجودين بصوتها وهي في سن صغيرة.
محمود سعد لـ آمال ماهر: أوعي حد يخوفك وأوعي تخافي من حد
وتطرق محمود سعد أثناء حديثه عن المطربة المصرية آمال ماهر لـ الشائعات المثارة حولها منذ أيام قليلة وحقيقة اختفائها ووضعها بإحدى السجون كما تداول البعض على منصات التواصل الإجتماعي، ووجه لها رسالة قائلاً: «أنا معرفش آمال فين بس عاوز أقولها إن كلنا قصرنا في حقك وإنتي في عنينا الاتنين متخافيش من حاجة، الشعب العربي كله بيحبك والمصريين بيحبوكي أوعي حد يخوفك وأوعي تخافي من حد، لازم تغني ولازم كلنا نساعدك إنك تغني، فلو عندك مشكلة اخرجي وقولي ولازم تتجاوزيها، لأن انت عندك موهبة ميصحش إنها تضيع بسبب خناقة أو مشكلة».
وتابع: «بيوتنا كلها مفتوحة لك، معندناش مصري فنان كبير يخاف من أي حد، الفنان الموهوب اللي عندنا في عيون كل الناس وبالتالي عنده حماية كبيرة جدا».
وأضاف: «ماتواصلتش مع آمال ماهر بقالي كتير، ومعرفش حاجة عن حياتها الشخصية، وايه المشكلة القائمة دلوقتي، لكن حسيت ان من واجبي كمواطن مصري وربنا وهب بنت من بناتنا صوت جميل جدا مش عارفة تغني، ايه اللي مانعها وايه الحكاية، حبيت أقول لها ماتخافيش، معندناش فنان بيخاف احنا هوليوود الشرق والفنانين كلهم بييجوا عندنا وبنرحب بيهم، لأن دي بلادهم، كلهم فنانينا وبنحبهم جدا».
واختتم قائلا: «عايز أقول لك ماتخافيش، مالناش دعوة بالمشكلة، لينا دعوة أن نقول لها احنا بنحبك وقومي وغني ومتعي الناس، وإذا كان حد مخوفك قولي لنا».