أعرب المطرب الشعبي محمود الليثي عن استيائه الشديد من قرار الفنان هاني شاكر في استقالته عن منصب نقيب المهن الموسيقية.
وقال محمود الليثي في بث مباشر عبر حسابه الشخصي بموقع التواصل الاجتماعي فيسبوك: أنا ضد استقالة هاني شاكر، إحنا عارفين إنك تعبت واتخنقت بس المصريين بتوع الحمِل والمواقف ورجالة.
وأضاف: زي المصايب الكبيرة بيبقى فيه من مصر رجالة تاخد بإيدينا، حضرتك قيمة وقامة حقك عليا أنا، أنا واحد من الناس اللي بتحبك، من قبل ما تبقى قيمة وقامة في النقابة.
وترجى المطرب الشعبي هاني شاكر قائلًا: وحياتي عندك بقولك متسبناش، حقك عليا أنا، الناس اللي بتحبك أكتر من الناس اللي ضدك، وحياة ولادك، إحنا بتوع الصعوبات ربنا خلق المصريين عشان يكونوا قدها.
وأختتم محمود الليثي: طب إحنا هنروح فين طيب متسبناش، والنبي لتتراجع عن القرار ده عشان الناس الموسيقيين اللي بتحبك، ومحدش قالي أعملك فيديو ولا لايف، أنا عارف أنك من جواك رحيم، ومصر بلد الرجالة.