تحدث الفنان محمد فؤاد، عن خلافه مع الفنان الكوميدي محمد هنيدي، بسبب فيلم إسماعيلية رايح جاي، والذي كان انطلاقة هنيدي الفنية على الرغم من أن فؤاد بطل العمل.
وقال محمد فؤاد، خلال حواره مع الإعلامية بسمة وهبة في برنامجها العرافة، المذاع على فضائية المحور و النهار: «أنا أغير منك يا هنيدي عيب.. اتقي الله.. هو أنا جايبك معايا الفيلم عشان تفشل.. بحبك يا هنيدي وقسمًا بالله معرفش أغير منك».
محمد فؤاد: أنا كنت بصحي هنيدي عشان ييجي تصور
و أستكمل: «ده عبد الحليم حافظ كان أهم عنصر في فيلمه هو عبد السلام النابلسي.. راعي يا هنيدي تعبي معاك في فيلم إسماعيلية رايح جاي.. ده أنا كنت بصحيك عشان تيجي تصور.. والفيلم ده أنا دافع فيه 500 ألف جنيه، أنا مش بغير من حد ومفيش حد أغير منه.. أنا كرهت فيلم إسماعيلية رايح جاي عشان لاقيت في حروب نجوم.. أنا اللي قايل لـ هنيدي يضحك الناس إزاي في الفيلم».