كشف المخرج محمد سلامة تفاصيل الأزمة الذي تعرض لها بسبب ظهور ممثل يقلد الفنان الراحل إسماعيل ياسين في مسلسل موسى.
وصرح من خلال لقائه مع المذيعة إنجي علي في برنامج “نجوم رمضان أقربلك” عبر إذاعة “نجوم F.M” قائلاً: “الفكرة تعود إلى المؤلف والهدف منها ان الاحداث ديه كانت في 1942 كنا عايزين نشوف مين اشهر فنان في الفترة ديه وكان إسماعيل ياسين بس في الأول فكرنا في ام كلثوم وعلي الكسار، بس لاقينا اقرب نجم والناس بتحبه هو إسماعيل ياسين”.
وتابع قائلاً: “احنا كلنا عارفين اسماعيل ياسين كان بيتكلم ازاي في الطبيعة مكنش بيتكلم زي الأفلام خالص، وكنت مراعي جدا الدقة في المسلسل والممثل اللي جسدت شخصية إسماعيل ياسين كان جاي ينصب على موسى الشاب الذي جاء من الصعيد ومكنش يعرف حاجة في أي حاجة، وكان الهدف والفكرة كلها دخول موسى السينما بس مش اكتر”.
وأضاف: “مقدرش ابرر اللي حصل وانا مفهمتش اصلا اللي حصل ولاقيت ناس كتير وأصدقائي بيكلمني عشان مشهد اسماعيل ياسين ، واصلا الموضوع كان بسيط جدا، ومش مستاهل وانا مبعترفش بحاجة اسمها تريند والتريند بيبقى في الشارع مش على السوشيال ميديا”.
اقرأ أيضاً..