كشف المخرج محمد سامي تفاصيل فكرة مسلسل “جعفر العمدة “بطولة الفنان محمد رمضان من فكرة تعدد الزوجات، وبجانب ذلك حديثه عن رأيه الشخصي في فكرة التعدد.
تصريح محمد سامى عن تعدد الزوجات فى ” جعفر العمدة”
وقال محمد سامي خلال تصريحات تليفزيونية: عشان ننتقد أي عادة سلبية في المجتمع لازم نناقشها، مضيفًا: التعدد حاجة مش حلوة وملناس علاقة بالديانات ولا سياسات.. وأنا مبدخلش نفسي في رأي ديني ولا سياسة، ولكن بشوف دايمًا رأيي الشخصي والرأي اللي أنا شايفه من عادات مجتمعية، أنا ضد التعدد تمامًا، ولذلك قدمت جعفر العمدة.
وتابع محمد سامي: قابلت شخصية جعفر العمدة في الحقيقة، وهو متجوز أربعة وكل واحدة بتروح له بيته وفي جدول بينهم، والزواج من الأربعة حلال.. ولكن له أسباب ومسببات، وربنا عادل وأكيد في أسباب ما يكونش الجواز من الأربعة طفاسة ولا للعلاقات الجنسية.
فكرة جعفر العمدة
وتحدث سامي عن بداية كتابته لمسلسل “جعفر العمدة” وعن كيفية وصوله للشكل النهائي للدراما قائلاً :”فكرة جعفر العمدة جاتلي من الشخصية أنا ببني من عند الشخصية وليا صديق شعبي جميل لفت نظري لحاجة وأنا واقف معاه في مرة بيشاور لي علي بيته بيقولي إنه ساكن فوق ومتجوز أربعة وكل واحدة منهم ليها يوم في الأسبوع”.
واستكمل “وقررت أخلي الشخصية دي معايا بس ماكنتش عاوز ابني عليه شخصية جعفر العمدة لأن مش دي الفكرة اللي عاوز أقدمها واحد أتجوز أربعة والتعدد وأنا أصلا ضد التعدد وأما هقدم الفكرة هقدمها بأن أنا أنتقدها مش أتبسط بيها، وأنا ماشي كمخرج ومؤلف بفتش وبدور على خطوط درامية عشان أشتغل عليها وأوقات بيبقي عندي أكتر من فكرة مختلفة ممكن أجمعهم كلهم في عمل واحد”.
“جعفر العمدة” تأليف وإخراج محمد سامي، بطولة محمد رمضان، هالة صدقي، زينة، إيمان العاصي، منة فضالي، أحمد داش، عصام السقا، أحمد فهيم.