أكد محمد الشناوي حارس مرمى النادي الأهلي، على جاهزية فريق الكرة بشكل كامل، لمواجهة السوبر الإفريقي يوم الأربعاء القادم، امام نادي الرجاء المغربي.
ونشرت صفحة الأهلي الرسمية عبر صفحتها الرسمية على موقع “فيسبوط”، حديث الشناوي قبل اللقاء المرتقب بين الناديين.
حديث الشناوي قبل مواجهة الرجاء
وقال الشناوي ” بشكر كل اللي بعتلي في عيد ميلادي، وبقولهم وأنتوا طيبيبن، وبقول لجمهور الأهلي إن شاء الله يوم الأربعاء نفرحكم ونرجع ومعانا البطولة”.
وأضاف ” اللاعيبة كلها مركزة، فمباراة الأربعاء مباراة ستكون قوية، وده لأنها بطولة من ماتش واحد ، وكل اللاعبين مركزين وعارفين أهمية المباراة، وأكيد بنستعد بشكل كويس، بتعليمات الجهاز الفني، واللعيبة كلها بتبقى عايزة تاخد البطولة”.
وعن مواجهة الرجاء بالتحديد في مواجهة السوبر،قال حامي عرين المارد الأحمر ” فرقة زي فرقة الرجاء المغربي من أندية شمال إفريقيا، فرقة قوية ومش زي ما بتتواجه مع فريق في الدوري المصري، أو فرقة عربية، بالنسبة لنا أندية شمال إفريقيا أقوية جداً، وبيبقوا عارفينا واحنا عارفينهم، فتبقى مباراة مهمة جداً لينا، وكل اللاعيبة بتبقى مركزة، لأنك بتلعب على بطولة قارية”.
وتابع ” نكن كل الاحترام لفريق الرجاء المغربي، وأكيد بنستعد بشكل كويس، وأهم حاجة الفرقة الكبيرة بتبقى حاطة عينيها على البطولة، ومش بيهمها هي بتواجه مين، وإن شاء الله نقدر نرجع بالبطولة”.
وواصل اللاعب تصريحاته لقناة الأهلي ” أكيد هندخل المباراة بطريقة هادية، وهندرس تفاصيل فريق الرجاء مع الجهاز الفني، وهنركز على التفاصيل الصغيرة لأنها بتفرق في المباريات اللي زي دي”.
وأكد الشناوي، على مقولة أن الكل واحد في النادي الأهلي، كما أكد على فكرة احتواء اللاعبين القدامى للاعبين الذين يتواجدون لأول مرة في النادي.
وواستطرد قائد الأهلي، حديثه ” الأهلي عينه على البطولة، وكل اللاعيبة الكبيرة عارفه إننا لما بندخل أي بطولة بتكون عينا عليها، وإن شاء الله نحققها، فالمركز الثاني بالنسبة للجمهور زي زي الخسارة، وكل اللاعيبة عارفه ده”.
وعن استهلاك لاعبي الأهلي في بطولة العرب، قال حارس الفريق ” أكيد لعبنا مباريات قوية في بطولة العرب، بس لازم نستعد كويس لمواجهة الرجاء، واللاعيبة اللي كانت موجودة في المنتخب لاعيبة كبيرة، ومتعودين على ضغط الماتشات، وأكيد الموجودين في النادي، عارفين قيمة النادي، وعارفين قيمة البطولة اللي جاية”.