نشر دكتور الدراسات الإسلامية سابقًا مبروك عطية، مقطع فيديو عبر حسابه الخاص على موقع التواصل الاجتماعي «فيسبوك»، معلقًا على انفصال رجل الأعمال الشهير أحمد أبو هشيمة وياسمين صبري.
وقال مبروك عطية: «تزوجا والزواج شريعة ربنا وأذيع أنهما تطلقا والطلاق شريعة ربنا.. إيه اللي يقلب الدنيا».
مضاف: «جبلها خاتم في الأول بـ 3 مليون هو انتوا كنتوا معاه في الفاتوة؟، ما جايز بربع مليون، وهو لو كان استشارني كنت هقوله كفاية خاتم بـ 3 آلاف، أو بـ 30 آلف يلا ان شا الله عن حد حوش، والباقي أكل بيه الغلابة، ولو رد عليا أنا مطلع زكاتي وقولتله تصدق قالي متصدق، أقوله ايه أشحت؟ أتبرع بكل فلوسك؟».
مبروك عطية عن انفصال أبو هشيمة وياسمين صبري: نشيل من دمغنا السواد
وأردف: «الدين ليه عند صاحب الأموال أنه يتصدق، جبلها عربية بـ 10 مليون، لو كان استشارني كنت هقوله كفاية نص مليون، وكلها بتقدي الغرض، احنا ولا كنا معاه وهو بيجيب العربية ولا هو بيجيب الخاتم».
وقال في الفيديو: «لو رد عليا أقوله لا إحنا كنا معاه وهو بيجيب العربية بـ 10 مليون ولا معاه وهو بيجيب الخاتم.. جابه لمراته أدى لمراته حقها نشيل من نفوخنا سواد نظرتنا لكل ذي مال من زمان».
وأشار: «أنا سمعت خلال سنتين الجواز دي، كمية غيرة من الناس اللي بتهاجم، وأنتي كان نفسك تبقي هي وتاكلي الصنية، مش أتجوز راجل متدين وشهم، وكل اللي هاجموا كانوا عاوزين فلوس أبو هشيمة مش أبو هشيمة الراجل التاجر التاجر البرلماني، لا هو السواد ناحية اللي معاه قرشين، واللي معاه قرشين بنكون عاوزينه يشحت».
واختتم «المال هو مال الله وربنا هيحاسب كل ذي مال، لو أنت متأكد من كدة هتشيل طاجن ستك ليه، داع الملك لـ المالك هو مش هيبطل جواز وهي مش هتبطل جواز».