تامر حسني/ عبر الفنان ماجد الكدواني عن رأيه وإعجابه بنجم الجيل، وتحدث عن العمل معه في فيلم مش أنا إخراج سارة وفيق.
وبارك الكدواني لتامر على نجاح الفيلم خلال مداخلة هاتفية مع الإعلامي عمرو أديب، بـ برنامج “الحكاية” الذي يعرض عبر قناة ام بي سي مصر، قائلاً: “عايز ابارك لتامر وهو يستحق كل النجاح ده”.
ماجد الكدواني يشيد بأداء تامر حسني
وأشاد بالعمل معه في فيلم مش أنا قائلاً: “تامر ربنا مديله موهبة نادرة جدا بيعرف يوفق ما بين كذا حاجة وناجح على مستوى الطرب والتمثيل وبيخاف على شغله اوي اوي واحيانا بيبذل مجهود فوق طاقته وديما انا وهو في اللوكيشن بنقول ربنا مش بيضيع تعب ومجهود حد تامر بياخد باله من كل تفاصيل اللي حواليه”.
ليرد عليه تامر حسني قائلاً: “استاذ ماجد اخلاق جدا وانضف قلب في الدنيا، وده كان اضافة ليا ان امثل قدامك، وربنا يوفقك في كل اعمالك اللي جاية”.
مخرجة فيلم مش أنا تشيد بـ تامر حسني
ومن جانب أخر عبرت المخرجة سارة وفيق، عن خوفها وسعادتها بإخراجها فيلم نجم الجيل، وروت تفاصيل عن التحضيرات والكواليس، ووجهت رسالة شكر للفنان تامر حسني على تشجيعه لها.
وكشفت قائلة: “طبعا فيلم كبير ونجم كبير وديه حاجة مرعبة، وكان مسؤلية كبيرة عليا جدا بس الحمدلله ربنا وفقنا”.
وأضافت قائلة: “الفيلم كان كبير ومكنش سهل وفي نجوم كبار والفيلم كان تقيل وفي شغل مكنتش خايفة عادي كنت مرعوبة بس تامر كان ديما في ضهري وبيدعمني والشغل معاه متعة”.
ووجهت رسالة شكر لـ تامر حسني على الهواء مباشرةً قائلة: “حبيت اشكر تامر لانه وقف جمبي في صناعة السينما ورجعني تاني والفيلم حقق ايرادات كبيرة اوي، ومحدش كان متخيلها”.
أبطال فيلم مش أنا
الفيلم بطولة حلا شيحا وسوسن بدر وماجد الكدوانى وحجاج عبد العظيم وشيرين وفايز المالكى وعدد أخر من الفنانين بالإضافة إلى عدد من ضيوف الشرف ومنهم محمد عبد الرحمن ومن تأليف تامر حسني وإخراج سارة وفيق .