انهار الفنان أحمد آدم من البكاء وهو يروي اصعب المواقف التي مرت عليه ايام الخطوبة ولماذا كان سيترك زوجته في فترة الخطوبة.
لهذا السبب.. أحمد آدم يبكي على الهواء
وصرح أثناء حواره مع الإعلامي خيري رمضان والإعلامية كريمة عوض ببرنامج “حديث القاهرة” الذي يعرض عبر قناة القاهرة قائلاً: “وأنا خاطب مراتي، كنا لسه على باب الله، وبعدين جتلي في لحظة حسيت إن مش هينفع، الظروف متنيلة خالص، وبقت المسألة يا أسافر يا مش هينفع”.
وتابع قائلاً: “ماشيين مرة في سان ستيفانو وإحنا ساكنين في محرم بك، واخدينها مشي ومعيش غير شلن في جيبي وسجارتين، كل ده أنا عايز أمهد لها إننا مش هننفع لبعض، وانتي بنت ناس ومش عايز أبهدلك، وهي بتقولي يعني انت كارهني مش عايزني ولّا الموضوع خاص باللي إنت بتقوله، رحت معيط”.
أحمد آدم يكشف عن أصعب موقف في حياته قبل الزواج
وأضاف قائلاً: “فجأة ببص في الأرض لقيت سجارة في علبة سجاير، وفي ربع جنيه في جنيه، و الشارع ده الإسكندرانية كلهم عارفينه مبيمشيش فيه بني آدم، قعدت أبص يمين شمال عايز ألاقي حد ماشي يكون وقعت منه الحاجة دي، وهي تقولي مش قولتلك، ودي سجاير، فما بالك ربنا هيعمل فينا إيه وإحنا بنتجوز”.