لقاء الخميسي/ هاجمت الفنانة إحدى متابعتها عبر خاصية استوري بصفحتها الشخصية على موقع التواصل الاجتماعي لتبادل الصور ومقاطع الفيديو “إنستجرام”.
وكان سبب الهجوم هو أن المتابعة نشرت صورة لأصدقاء “الخميسي”، ووجهت لهم الانتقادات، حيث قالت:“لو عيل من عيالي فكر يقولي هتجوز واحدة بشعرها أو مطلقة أو مدخنة همسح بيه الأرض كفاية الستات والأمهات اللي بشوفهم يوميًا زي الصورة دي وبتخض على مستقبل بناتهم اللي أكيد هيقلدوهم معرفش ليه بتكرهوا الحجاب كده”.
لقاء الخميسي توجه رسالة نارية لـ إحدى متابعيها: “خليكي في نفسك”
وأعادت لقاء الخميسي نشر البوست ووجهت رسالة نارية لها، معلقة:“يا أستاذة هالة يومك جميل إن شاء الله، للأسف الشديد أنا سمحت لنفسي أخد البوست بتاع حضرتك من غير استئذان ودة مش صح بس علشان أقول لحضرتك كلمتين ياريت تقريهم كويس”.
وتابعت:”مش من حق حضرتك تاخدي صور ناس وتحطيها عند حضرتك وتذميهم وتدخلي في اختياراتهم لحياتهم، مش من حقك أصلا تختاري حياة ولادك لأنهم ليهم كل الحق في الاختيار، مش من حقك تحكمي على أخلاق الناس وحياتهم لأنك مش واصي ولا ولي”.
واختتمت:”فياريت حضرتك تخليكي في نفسك وتطوري من نفسك وتغضي البصر لو مش عاجبك الصور ودعي الخلق للخالق، كل حي ادرى بحياته واختياراته وعليكي احترامه والتزام الصمت، شكرًا ويوم سعيد”.
آخر اعمال لقاء الخميسي
ومن جهة آخرى شاركت لقاء الخميسي، في الموسم الرمضاني الماضي لعام 2021، في مسلسل “ضد الكسر”، حيث لعبت دور نادين، صديقة سلمى “نيللي كريم” المقربة.
يضم مسلسل “ضد الكسر” توليفة لامعة من نجوم الوسط الفني، أبرزهم نيللي كريم، ويشارك معها مجموعة من الفنانين أبرزهم مصطفى درويش، حمزة العيلي، تارا عماد، نور إيهاب، محمد فراج، هشام إسماعيل.
والعمل من إخراج أحمد خالد، ومن تأليف عمرو الدالي، ومدير التصوير أحمد عبد العزيز، وإنتاج جمال العدل بمشاركة الشركة المتحدة للخدمات الإعلامية، ويعد المسلسل إهداء لروحالراحل الكبير الفنان سامي العدل.