أعترضت الفنانة لقاء الخميسي على عدم إنضمام زوجها حارس المرمي محمد عبد المنصف لقائمة منتخب مصر لكرة القدم.
وعلقت لقاء عبر حسابها الشخصي بمواقع التواصل الاجتماعي ” الانستجرام” وقالت : مري ماكان ليا في الكوره .. وانما بعد جوازي تابعت واتفرجت مع اوسه كتير وكنت معاه خطوه بخطوه في مشواره .
وأضافت :وكلمتي دي كلمة حق مالهاش اي علاقة بإنه زوجي ! كلمتي دي عن راجل قوى ولاعب كوره مميز جدا وعنده اصرار والصفة الوحيدة التي لا تميزه اللؤم والضرب من تحت لتحت !! رجل واضح مجتهد نضيف .. وبما إنه نضيف تحالفت كل الظروف عليه .. ونبتدي بإنه كان بيلعب في نادي كبير وعريق نادي الزمالك وكان معاه جول اخر في نفس السن وكان دائماً صراع مين هايلعب ” وكان اوسه جاي من نادي مزارع دينا وقدامه عرض الزمالك والاهلي وكان من اهم الاجوال الشباب واوسه اختار الزمالك .
وأكملت :ظروف لايحتملها اي انسان وضغط نفسي طول الوقت تعرض له اوسه وكم مخيف من المضايقات الكتير من ” بعض من الجمهور” الكاره او مدفوع الاجر او المزقوق ” وباقول بعض علشان ماحدش يطلع يقول ان باعمم لان دي مش حقيقه في جمهور كبير محترم .. وبما ان الشر احيانا كتير بيكسب في الاول وبما ان المقاومه هي الحل الأمثل ، اوسه قاوم وكمل وعافر وتحمل اللي ماحدش يتحمله وشال كتير الي ان جه وقت الانصاف عند رحيل اوسه من القلعه البيضاء ومحاولاته الدائمة واصراره على تكملة حلمه وحبه الاول الكوره وايمانه بنفسه .
وأكدت وتألق اوسه وهو في اجواء نفسية مناسبة وايمان المدربين الاجانب به وعدم تحيزهم لاحد لانهم مالهمش حسابات غير شغلهم .رحلة اوسه تستحق كل الاحترام والتقديراوسه الآن في كامل تألقه ورونقه وقادر على حماية عرين منتخب بلده ويستحق التواجد .
ودا الي يخليني اسأل نفسي : امتى مش هايبقى في حسابات انسانيه في الشغل ، امتى هايبقى الفيصل هو الاداء ومن يستحق .. امتى هانخرج عواطفنا بره منظومة العمل في كل مجالات مصر مش بس الكوره .
اللي حصل دا ظلم كبير
احنا محتاجين نتغير ونُعطي كل ذي حقٍ حقه .
اوسه من غير المنتخب برده مكمل في النجاح بس احساس وجوده في ” #منتخب _مصر ” ليه رونق وطعم تاني وشرف لكل لاعب واوسه يستحق
View this post on Instagram
اقرأ ايضاً:
عرض فيلم أعز الولد على منصة شاهد 19 مارس