العنف الزوجي/ انتشرت ظاهرة في الآونة الآخيرة العنف بين الزوج والزوجة، وهو أحد أنواع العنف الاسري، ومن الممكن أن تؤدي خلافات بسيطة إلى حد قتل الزوج لـ زوجته او العكس صحيح، فكيف نتخلص من هذة الظاهرة؟ وكيف نتجنب العنف بين الزوجين؟ وما اسباب العنف بين الزوجين؟.
نوضح لكم اسباب العنف بين الزوجين، وكيف نتجنبه من خلال هذا التقرير.
كيف نتجنب العنف الزوجي؟
أن ظاهرة العنف هي متواجدة في العالم بأكمله وليست ظاهرة جديدة، ولكن العنف الزوجي هو الذي ازداد كثيراً هذة الأيام خاصة ان ما يفعل ذلك، من الطبقات الاجتماعية الراقية، ومن أبرز الحوادث الآخيرة التي حدثت، طبيب أسنان يمزق جسد زوجته بالدقهلية، ومهندسة تقتل زوجها في طوخ، وغيرهم من الحوادث.
وكشفت الدكتورة أماني عبد الفتاح، استشاري أسري بـ القصر العيني، اسباب العنف بين الزوجين وكيف نتخلص منه، وذلك من خلال حوارها ببرنامج “ست الستات” الذي يعرض عبر قناة “صدى البلد” الفضائية، قائلة: “ده مش عنف اسري ده عنف زوجي والزوجي ده بيبقى من احد اطراف الزوج ضد الزوجه والعكس وده احد انواع العنف الاسري، ولازم نعترف ان العنف الزوجي في الآونة الآخيرة، زاد اوي الايام ديه والحقيقة ده ليه اسباب كتيرة”.
أسباب العنف الزوجي
وأوضحت ما هي اسباب العنف بين الزوجين قائلة: “اول حاجة عدم التكافؤ، احنا مش بنعرف نختار كويس من الاول بقى في عندنا سرعة، اللي هو يلا بسرعة هوب خطوبة هوب جواز مفيش وقت يتعرفوا على بعض، وقعدنا في الخطوبة عملنا ايه مثلنا على بعض كل واحد مثل احلى ما عنده بس مش ديه الحقيقة وامتة تظهر الحقيقة لما يتقفل باب واحد علينا، فيظهر الراجل على حقيقته وتظهر البنت على حقيقتها”.
وتابعت : “أول سبب من اسباب العنف عدم تكافؤ من بداية العلاقة، وعدم حسن الاختيار، وعندنا خلل مجتمعي في القيم، ويأتي السؤال “طب هو احنا بنتجوز ليه؟”.
بنتجوز لية؟
الإجابة: ” ان كل الاديان قالت عشان سكن ومودة ورحمة واننا نسعد بعض مش هقول انت تضيف فلوس او هي تضيف بريستيج لا احنا نضيف لبعض شوية سعادة، فاحنا بنتجوز عشان نبقى مبسوطين، طب احنا بنتجوز ليه اه عشان نخلف ونجيب ولاد وبنات وزرية صالحة بس في الاول لازم احنا كمان نسعد بعض انا اسعدك وانت تسعدني، الرجالة والستات بقى نسيوا قصة السعادة ديه”.
وأشارت أن معظم الخلفات الزوجية التي تصل إلى القتل موجودة في الطبقات الاجتماعية العالية والراقية قائلة: “بعض الاحيان تصل الخلفات الي الجريمة او القتل، وديه موجودة في الطبقات الاجتماعية العالية الراقية، ولاحظنا ان الاسباب التي تدفع الى العنف بتبقى تافهه البيوت كلها فيها خلفات وكلنا بنتخانق وكلنا بنختلف بس في حاجة اسمها شعرة الاحترام وشعرة الحب، يعني احنا بنحب بعض بنختلف بس بنصل في الاخر الي نقطة اتصال، وممكن الخلفات تصل بينا اللي الانفصال او الطلاق مش للقتل”.