كشف الفنان كمال أبو رية تفاصيل علاقته بالفنان أحمد عبد العزيز، كما تطرق إلى ذكرياتهما الفنية معًا، وذكريات مسلسل طسوق العصر”.
وقال أبو رية خلال مداخلة هاتفية لبرنامج اللمة تحلى على شعبى اف ام والحلقة من تقديم شيماء السباعي: “أنا و احمد عبد العزيز لينا ذكريات كتير مع بعض فى سوق العصر كان بيفرهدنى احمد بيشتغل بجد اوى بيروح الاستوديو بيبقى واحد تانى خالص، و جالنا اعلان كنا هنعمل فيه مشهد من سوق العصر و مكنش عندنا مانع نعمل الاعلان طالما مش هيهدر من قيمة المشهد الحقيقى و ميبقاش تريقة عليه او هزار او يقلل من قيمته و يستاذنه شركة الانتاج و اننا ناخد فلوس كتير ديه كانت الشروط بتاعتنا لكن متوفقناش و بصراحة مكناش متحمسين اووى”.
وعلق كمال أبو رية: “ان الحب سر السعادة وان الواحد يحب اللى حواليه و الناس اللى حواليه تحبه، ولو هتجوز شخصية تاريخية اتجوز نفرتيتى كانت شخصية مهمة جدا”.
واختتم قائلا: “مفيش حاجة مش حابب اعملها لان الحاجة اللى مكنتش موفق فيها اوى كان ليا عذرى انا اشتغلت حوالى ١٠٠ مسلسل فلو منهم تلاتة فى ٪ اعمالها فى راضى عنها فالحمد لله، وشعبي اف ام محطة جميلة بسمعها كتير لانها اذاعة مصرية بتعبر عن نبض الشارع المصرى بشكل صادق و حقيقى و كل سنة و انتوا طيبين”.
انتهاء أزمة كمال أبو رية مع فريق إنتاج «المداح 2»
من جانبه، أعلن الفنان كمال أبو رية عن انتهاء خلافه مع شركة إنتاج مسلسل “المداح 2″، مشيرًا إلى أنه عاد لاستكمال تصوير مشاهده في المسلسل.
وقال “أبو راية في تصريح خاص لـ «أوان مصر»: “عودت من جديد لتصوير باقي مشاهدي في المداح 2، وذلك بعد انتهاء خلافي مع شركة الإنتاج”.
واستطرد: “كان فيه خلاف وتم تصفية الخلاف.. واحنا اتصالحنا من يومين بالظبط”
وأضاف: “الخلاف كان مع شركة الانتاج، وكان السبب الرئيسي اسمي وصوري فيالبوسترات الرسمية والأفيشات الخاصة بالمسلسل”.
من جانبه، تضم بطولة “المداح 2” كوكبة لامعة من نجوم الوسط الفني أبرزهم، أحمد بدير، أحمد عبد العزيز، خالد سرحان، محمد عز، جمال عبد الناصر، دنيا عبد العزيز، حنان سليمان، محسن منصور، محمد الصاوى، هادى خفاجى، تامر شلتوت، صبحى خليل، محمود عامر، عبير فاروق، هايدى رفعت، بسمة ماهر.