كشف الفنان كريم فهمي عن الرومو الرسمي لفيلمه الجديد الذي يحمل عنوان “ديدو”، وجاء ذلك عبر صفحته الرسمية بموقع تبادل الصور والفيديوهات “إنستجرام”.
وظهر في البرومو كل من كريم فهمي وحمدي المرغني ومحمد ثروت، بيومي فؤاد، هدى المفتي، وعلق على الفيديو قائلاً: “الاعلان الرسمي لفيلم ديدو ( ارجوك لا تفعصني سهوا )”.
View this post on Instagram
ويذكر أنه شوق متابعيه منذ أيام من خلال البوستر الرسمية للفيلم وعلق عليه قائلاً: “اسباب تخلي ديدو الاقرب لقلبي مع حبي لجميع الافلام اللي كتبتها ….لما توتا ( محمد احمد السبكي ) قالي من ثلاث سنين تعالي نعمل فكرة عقلة الاصبع”.
وتابع قائلاً: “في الاول رفضت لاكتر من سبب اولهم ازاي هقدر ابعد عن كل الافلام الكتير اوي اللي اتعملت بالتيمه ديه من زمان لحد دلوقتي زي ( honey i shrunk the kids , ant man , down sizing …) و ثانيهم ازاي احنا في مصر هنقدر نجاري الناس ديه في الجرافيكس و هو احد اهم عوامل الفيلم”.
وأضاف قائلاً: “لحد ما جاتلي قصه جديده للتيمه و ده اللي شجعني اشتغل عليه سنه تقريبا قصه و سيناريو و حوار و كان اتفاقي مع السبكيه اني اسيب خيالي يشتغل للآخر و ان شاء الله كله هيتنفذ و كانوا فعلا عند وعدهم و اكتر و مبخلوش علي الفيلم ماديا او بالمجهود”.
واستكمل قائلاً: “تاني حاجه شجعتني اني نفسي اعمل فيلم للأطفال و الكبار مع بعض و يبسط كل الاعمار ، الفيلم ده رحلة ثلاث سنين صناعه مع صديقي و اخويا المخرج عمرو صلاح اللي تعب جدا في فيلم صعب علي اي مخرج و لكنه كان قدها و قدود و قاد المركب كما قال الكتاب و طبعا كريم السبكي اللي مهما اتكلمت عليه مش هوفيه حقه في الفيلم ده ( منتج فاهم اوي بقي ) و عم احمد السبكي اللي اتحمس للخطوه الجريئه جدا ديه و صبر علينا السنين ديه كلها”.
واختم تعليقه قائلاً: “شكرا كل صناع هذا العمل و شكرا شركة mercury ياسر النجار القائمين علي الجرافيكس و هي شركه مصريه ، اوعدكم هتتفرجوا علي حاجه مختلفه و اتمني انه يعجبكم”.
اقرأ أيضاً..