شوق الفنان كريم فهمي متابعيه لعمل جديد أشتغل عليه 3 سنوات، وجاء ذلك عبر صفحته الرسمية بموقع تبادل الصور والفيديوهات “إنستجرام”.
نشر مجموعة صور لبعض اعماله وعلق قائلاً: “اسباب تخلي ديدو الاقرب لقلبي مع حبي لجميع الافلام اللي كتبتها ….لما توتا ( محمد احمد السبكي ) قالي من ثلاث سنين تعالي نعمل فكرة عقلة الاصبع”.
وتابع قائلاً: “في الاول رفضت لاكتر من سبب اولهم ازاي هقدر ابعد عن كل الافلام الكتير اوي اللي اتعملت بالتيمه ديه من زمان لحد دلوقتي زي ( honey i shrunk the kids , ant man , down sizing …) و ثانيهم ازاي احنا في مصر هنقدر نجاري الناس ديه في الجرافيكس و هو احد اهم عوامل الفيلم”.
وأضاف قائلاً: “لحد ما جاتلي قصه جديده للتيمه و ده اللي شجعني اشتغل عليه سنه تقريبا قصه و سيناريو و حوار و كان اتفاقي مع السبكيه اني اسيب خيالي يشتغل للآخر و ان شاء الله كله هيتنفذ و كانوا فعلا عند وعدهم و اكتر و مبخلوش علي الفيلم ماديا او بالمجهود”.
واستكمل قائلاً: “تاني حاجه شجعتني اني نفسي اعمل فيلم للأطفال و الكبار مع بعض و يبسط كل الاعمار ، الفيلم ده رحلة ثلاث سنين صناعه مع صديقي و اخويا المخرج عمرو صلاح اللي تعب جدا في فيلم صعب علي اي مخرج و لكنه كان قدها و قدود و قاد المركب كما قال الكتاب و طبعا كريم السبكي اللي مهما اتكلمت عليه مش هوفيه حقه في الفيلم ده ( منتج فاهم اوي بقي ) و عم احمد السبكي اللي اتحمس للخطوه الجريئه جدا ديه و صبر علينا السنين ديه كلها”.
واختم تعليقه قائلاً: “شكرا كل صناع هذا العمل و شكرا شركة mercury ياسر النجار القائمين علي الجرافيكس و هي شركه مصريه ، اوعدكم هتتفرجوا علي حاجه مختلفه و اتمني انه يعجبكم”.
View this post on Instagram
اقرأ أيضاً..