أعرب الفنان كريم فهمي عن رأيه في التأثير السلبي لمواقع التواصل الاجتماعي في الفترة الأخيرة، مشيرًا أنها أكبر كذبة.
وكتب كريم فهمي منشورًا، عبر حسابه الشخصي بموقع التواصل الاجتماعي فيس بوك، حيث تحدث عن التأثير السلبي لـ السوشيال ميديا، حيث قال: لما كله يبقي مكسر الدنيا ونمرة 1، ومصدقين الكدبة، لما الأشكال كلها حلوة بفلاتر ومصدقين الكدبة، لما الكل يبقي بيفهم كل حاجة رياضة، فن، سياسة، ومصدقين الكدبة.
وأضاف: لما ناس تشتم حد من ورا شاشة، وعاملين نفسهم رجالة، ومصدقين الكدبة لما حاجات كتير أوي يبقى إحنا في حضرة السوشيال ميديا أكبر كدبة.
حرص كريم فهمي على الرد على أحد الأشخاص طالبه بمسح المنشور، حيث قال: طب ما تقفل الأكونت بتاعك السوشيال اللي بتقول عليها دي مكنش حد عرفكم، وعلق الفنان كريم فهمي: بس يا حبيبي بس يا شاطر، اتفضلوا يا جماعة عينه من تالت نموذج أنا كاتبه.
وأضاف المتابع: إنت اتضايقت عشان بقول كل حاجة فيها الصح والغلط، إنت تنتقد نفسك كده إنت من غير السوشيال مفيش شغل ليك .
ليرد كريم فهمي مرة أخرى على هذا الشخص، قائلًا: ليه يابني هو أنا بلوجر؟ أنت بتقول إيه يا حبيبي، أرجوك بس، قول رأيك براحتك بس متقولش أي كلام عندي بعد إذنك.