حلت الفنانة صفوة ببرنامج «كلام الناس»، المذاع على فضائية MBC، وتحدثت عن العديد من الأشياء، إلا أن حديثها على الفنان كاظم الساهر قد تصدر التريند من أمس.
وقالت صفوة: «سبب ظهور تلك الشائعة، كنت بعمل “قعدين ليه”، وكنت لسه مطلقة، وكنت عارفة شخصية في مكان مهم اوي ولا داعي لذكر اسمها، وهو كان شبه كاظم الساهر جدًا، فعشان كده طلعت اشاعة ارتباطي بكاظم».
وتابعت: «كاظم الساهر نشر تكذيبا للشائعة وأنا أيضا نشرت تكذيبا لها، لكنها استمرت لعدم قدرتي على الكشف عن شخصية ذلك الرجل، وإلى اليوم لا يمكنني الكشف عنها».
أبرز تصريحات صفوة
-ومن أبرز تصريحات صفوة: أنها قالت: “لما كنت راقصة عمري ما فكرت اشتغل مع فنان، أو إن يكون فيه حد قبلي، ومفكرتش أرجع تاني خالص”.
-حتى ست البيت فشلت اني اعملها، لإني مش عارفة اكون ست بيت واهتم بالاكل والتنضيف، عشتها لمدة سنتين لكن مش حياتي، ومعرفتش أكمل.
-عند سن الـ 35 سنة أنا زي لاعيب الكرة لازم اعتزل الرقص.
-أنا اعتزلت الرقص وانا عندي 37 سنة، وكنت حاسة السنتين الزيادة دول كأنهم عبيء.
-بيقولو الضربة اللي متموتش تقوي، لكن في فترة جوازي في سن الـ 18، ماكنتش تقوي أو تموت، لأ هي فعلا تشل.
-حصلي زي ما حصل مع فنانات كتير، بعد الطلاق فوجئت إني منصوب عليا، ومتهمة بالتهرب الضريبي بمبلغ 3 مليون جنيه، وأنا معرفش حاجة، كل سنة كان المحاسب بيجيلي وبمضي على الورقة وتمام، ومكنش عليا فلوس.
-لما اطلقت فوجئت اني مفيش فلوس في البنك والعربية اتخدت مني، هو خلاني اعيش مرحلة أسوء من ظروفي قبل ما أدخل الفن بكتير.
-أنا كنت عاملة توكيل عام لطليقي وهو نصب عليا وأخد فلوسي.
-ومن أبرز تصريحات صفوة: “أنا دخلت في حالة نفسية، وشعري وقع كله وبقيت اركب بواريك”.
-حالتي النفسية أثرت على أعضاء جسمي، وبشرتي كرمشت وضوافري باظت.
-القانون لا يحمي المغفلين وأنا كنت مغفلة، عشان كده مأخدتش أي خطوة قانونية ضد طليقي.
-اتعرضت للعنف الأسري، واطلقت 3 مرات من زوجي الأول، اول طلقة كانت بسبب الخيانة، والتانية كنت راجعة من عند ماما وحصل مشادة في العربية، وأخر طلقة كل شيء اتكشف وبان.
-اطعنت في ضهري واتخانت كتير من طليقي.
-كنت بعمل “قعدين ليه”، وكنت لسه مطلقة، وكنت عارفة شخصية في مكان مهم اوي ولا داعي لذكر اسمها، وهو كان شبه كاظم الساهر جدًا، فعشان كده طلعت اشاعة ارتباطي بكاظم.
-أنا ماليش أي علاقة بالسوشيال ميديا خالص، وماليش أي حسابات رسمية نهائيًا.
-لما عملت فيلم “هي فوضى” قعدت بعدها لمدة خمس سنين في البيت مبستقبلش تليفونات، ومضايقة جدًا.
-ومن أبرز تصريحات صفوة: “كانت أمنيتي إني اشتغل مع يوسف شاهين وخالد يوسف، ولما اجتمع الاتنين في فيلم “هي فوضى” فأنا حققت أمنيتي، يعني كان عندي مثلا بوكيه ورد وكنت عاوزة احط اجمل وردتين على البوكيه، ولكن مع التصوير ورؤية المخرج اتحطيط في موقف، محبتهوش بعد ما الفيلم اتعرض وزعلت من نفسي”.
-بالرغم ان زمايلي لما شافوا الفيلم قالوا انه دور فظيع ومكنش هيعرف أي حد غيرك يعمل الدور ده، أنا زعلت من نفسي جدًا، واللي خلاني انزل هو مسلسل “بدون ذكر اسماء”، لاستاذ وحيد حامد.
-لو جيه الفيلم على التلفزيون بقلب ومش بحب اتفرج عليه، بالذات المشهد بتاع الكوافير اللي انا وخالد صالح فيه، لكن مشهدي في قسم الشرطة مضايقتش منه إطلاقًا.
-لجأت للدكتور النفسي في الخمس سنين اللي قعدت فيهم في البيت.
-كنت بخلص شغل الفجر واروح الحسين، لإني بحس أنه نداني، دي حاجات بيني وبين ربنا.