اصدمت فتاة بالقدر حين فقدت خطيبها بعد ان قاما سويًا بحجز فستان فرحهما، استعدادًا للإقامة حفل الزفاف لهما ، بحضور الأهل والأقارب والأصدقاء، كما هو الحال مع جميع الأزواج الجدد .
وأبدت الفتاة وأعربت عن حزنها الشديد، لفقدانها الشاب الذي كانا قد التقطا سويًا أخر صور جمعتهما ، اثناء حجز فستان فرحهما ليعم الحزن عليها وعلى أهله وأهلها لفراقه .
لتقول الفتاة ناعية خطيبها الراحل، في منشور عبر صفحتها على فيسبوك :«اخر صور اتصورناها ياحبيبى واحنا بنحجز الفستان والميكب وحاجه فرحنا اللى بعد شهر».
وتابعت الفتاة نعيها :«كنت قاعد معايا طول الليل مش راضى تمشى وانا خايفه عليك من الليل وتقولى يلا تعالى معايا اقولك هانت كلها ايام قاعدين طول الليل نختار اغانى فرحنا ومبسوطه وانا بختار كل حاجه معاك زى ما اختارتك يا اول واحسن اختيار فى حياتى ياوجع قلبى وكسره ضهرى بعدك يانور عيني ».
وأضافت «محستش بالأمان والحنيه والحب من حد غيرك كنت احن عليا من اهلى والله دا انا كنت بشتكيلك منهم لو حد زعلنى كنت تقعد :طول الليل متعرفش تنام عشان تجبر بخاطرى مين هيصحينى كل يوم ويبعتلى رسايل تانى وتقولى اصحى بقا وحشتيني وتقولى اول ما بشوفك شوفتى الرساله بترد فيا الروح».
وفي حزن شديد استكملت منشورها :«اروح بيتك النهارده من غيرك وادخل اوضتك الاقيك مجهزلى هديه عيد ميلادى ع سريرك كنت هقولك انك احسن هديه السنادى والله وربنا عوضنى بيك عن الدنيا كلها».
وأضافت الفتاة «الليل مش راضى يعدى من غيرك وانا بكلمك كان الوقت بيعدى فى ثانيه اللهم لا اعتراض يارب واستكملت داعية ، يارب صبرك يارب ويصبر قلب اهله اللى ملهمش غيره يارب، وتابعت يارب طبطب على قلبى يارب
ثم دعت الفتاة في منشورها ، اللهم ارحمه واغفر له واجعل قبره روضة من رياض الجنه يارب العالمين
واختتمت قائلة :«عريس فى الجنه ياحته من قلبى».