قال عماد متعب نجم منتخب مصر والنادى الأهلي الأسبق، فى تصريحات عبر قناة اون تايم ةسبورت مع الاعلام سيف زاهر انا اكتر واحد نصحت صالح جمعة وأكتر واحد بحبه واتكلمت معاه كتير.
وتابع نجم الأهلي الأسبق،أعلم موهبة صالح جمعة وامكانياتة ،وسأنصحة مرة آخرى، ويمكن تكون الأخيرة لأن النادى الاهلي صبر على صالح كتير وهو مبيتعلمش ويستمر فى الالتزام ثم يعود مرة آخرى على ماكان علية.
وأوضح عماد متعب،لازم تفهم انك فى النادى الاهلي وده أكل عيشك ومستقبلك وهتعرف تعمل كل حاجة بعد الكورة بس لازم تكون ملتزم لحد متبطل .
وأكمل متعب،نفسى ارجع العب خمس دقائق فى الملعب ومش عارف وبقولك بعد لما تعتزل”أمشى على السقف” وأنا لو ليا حكم على صالح هحبسه فى البيت هخرجه على التمرين وارجعة البيت تانى 6شهور او سنة.
وتابع مهاجم الأهلي السابق، تحدثت مع صالح من قبل وقولتله”نفسى أعرف الناس دى بتحب ليه احنا طلع عينينا عشان الناس
تحبنا وتقف معانا وتبدأ تحبنا والناس بتحبك وانت لسه معملتش حاجة.
وتساءل عماد،لاأعلم من يدعم صالح فى كل ذلك وهل اصدقائك “مبيخافوش عليك” وانت ازاى بتشوف الناس فى الملعب و بتجيب اجوال ومبتغرش والمفروض تموت نفسك حتى لو انت على الدكة .
وأستكمل القناص،الكورة مش تقطيع ومينفعش تستمر شهر او شهرين ملتزم وترجع تانى وتكبر دماغك وطول مانت بتلعب كورة بتتعلم وبتزود نفسك وأعمل كل حاجة بعد الاعتزال.
وقال متعب، انا واحد من الناس كنت بكلم صالح وبطلت يكون فيه تواصل بينا زى الأول عشان معنديش حاجة اقولهاله وتعمدت فى الفترة الاخير لى داخل النادى ان اجلس صالح معى فى الغرفة وحاولت على قدر الامكان تقديم النصيحة له.
واختتم ، صالح طيب وغلبان جداً وانا اسف “أهبل” هل من حوله ينصحوة ويحافظون عليه ونصيحتى انه لازم يبعد عن اى شئ يعطله سواء سفر او خروج او سهر لان دى متنفعش تكون حياة لاعب الكورة وهناك 100مليون يتمنون ربع فرصتك داخل النادى الأهلي.