أعلن الحساب الشخصي للبلوجر المعروفة سارة محمد عن فقدها حاس البصر بشكل نهائي، وذلك بعد إجراء أخر محاولة لها من خلال خضوعها لعملية دقيقة في الساعات القليلة الماضية.
البلوجر سارة تفقد بصرها بشكل نهائي
وجاء عبر حساب البلوجر سارة الشخصي عبر موقع تبادل الصور والفيديوهات انستجرام من خلال خاصية “ستوري”: “سارة فقدت آخر أمل كانت متمسكة به للأسف النتيجة النهائية سارة فقدت بصرها اللهم لا نسألك رد القضاء ولكن نسألك اللطف فيه”.
وتابعت أسرة سارة محمد: سارة فقدت آخر أمل ليها.. وعد مني ليكي يا سارة قدام ربنا هفضل الأخ والصاحب والسند ليكي ومفيش يوم هتخلى عنك فيه واحنا موجودين وأهلك وأصحابك موجودين هنكون نور عينك وهنحاول نعوضك عن كل حاجة قد الإمكان والله وربنا يقدرنا يارب ويصبرك.
وكان قد أعلن زميلها البلوجر عمرو عن خضوع البلوجر سارة لعملية جراحية دقيقة في العين، قائلًا: آسف أني مطمنتكمش أول ما استلمنا الأشعة، للاسف الموضوع مكنش مطمئن نهائي ولسه مش مطمئن خالص بصراحة.
وأضاف: الدكتور قرر أنه هيعملها العملية ونسبة نجاحها أقل من 5%.. كل اللي علينا دلوقتي واللي نقدر عليه أنه ندعيلها ونكثفلها في الدعاء، ادعوا يا جماعة ادعوا.