دعمت الفنانة فريدة سيف النصر الفنان محمد رمضان في أزمته الاخيرة مع الفنانة سميرة عبدالعزيز، وجاء ذلك عبر صفحته الرسمية بموقع التواصل الاجتماعي “فيس بوك”.
وعلقت قائلة: “كلمة حق ل رمضان ..حواديت حصلت قدامي.. ماحدش يقوللي هاتخسري جمهورك وانصحك ماتدافعيش عنه. نصيحه مايعلقش احسن علشان لاانت ولاغيرك هاتنفعني يوم وقفة الحق.والساكت عن الحق شيطان أخرس وكتم الشهاده نار تقيد في القلب تسوده..وعنده عيوب اه لكن متربي واللي بيحترم ابوه وامه بيحترم الكبار.. وولا حد يقوللي بتطبلي له والسبوبه خلصت ..يابني الشغل اللي انا اشتغلته مع كل النجوم الكبار يخلليني اكره واحتقر الوسط واللي بيحصل فيه دلوقتي..فا مش عايزه تعليقات كلها هري وبس”.
وأضافت فريدة سيف النصر قائلة: “وتاني هو فيه عيوب آه وكلنا عيوب..ياللا وهاقولهاله لاول مره..عيوبك. (عنيد ..صوته من دماغه.، متهور .كياد) ، بيفرس ناس قهروه وبيظهر نعم الله عليه مااستعانش علي قضاء حوائجه بالكتمان نصيحة النبي وبيجيب لنفسه ولأهله القر .والناس اللي بتغير وتكره الخير للناس يتشالوا ويتحطوا من غير مايؤذي حد..ده ليه لاننا مختلفين .كل الدنيا العالم الناجحين اوي بيفرحوا لهم احنا لأه يردحوالهم .هو كان فاكر زي مابيفرح الناس هاتفرح له..وقدامكم مثل محمد صلاح اتكرم في العالم كله في مصر لو ماكانش جري كان اتدمر خالص.،يخرب بيت كده احنا ماكناش كده جرالنا ايه دي في ناس بتدعي بزوال النعم ياساتر يارب..رمضان”.
وتابعت قائلة: “غلطان في حاجات كتير ماشي من وجهة نظرك بس هو شايفها صح هو حر زي ماانت حر..في حاجات من غير قصد والناس حواليه مابتاخدش بالها تدفع حاجاته في وقتها الشغل لاهيهم فانلاقيه كل شويه حد يسب فيه ده عيب في ادارته او جايز حد قاصد ولا تعلم..لاحول ولاقوة الابالله العلي العظيم..ربنا ينجيك يابني”.
واردفت: “محمد يقوم لكل كبير سن او اقدم منه في المهنه يحييه ويحترمه ويقول له احلي تحيه من نجم ميجاستار للجميع..مثل الراحل ريحان ويقبل يده ورأسه..عارفه عبدالرسول ويبوس ايدها..فواز..حتي العمال الكبار..محمد محترم جدا ياجماعه مع كل اللي حواليه..بالبلدي غلبان جواه الشاب اللي اتقهر وربنا اداله ومش فاهم بيتلطش ليه ده شغل ربنا وجواه عزة نفس عاجباني مابينحنيش غير لله وبيصلي فاحترمته اكتر وتاني عنده غلط اه وكلنا بنغلط الله اكبر”.
وأشارت قائلة: “ياريت نفكر بقي بالعدل..الجدع ده اللي قد ابني بالظبط..ربنا ادالوا ليه ؟بيحبب خلقه فيه ليه؟ ان الله عنود ولايعاند..ايش دراكم اتعمل فيه ايه تاني..انا باقول اهو كده كتير..والله”.
واوضحت قائلة: “اما السيده الفاضله جيل فاتن حمامه وصديقتها الوحيده..سميره عبدالعزيز..احتراما لها لن اكذبها ابدا..ولكن رساله وصلت لك من مين اكيد يارمضان حد بيعزك اوي وخد موبايلك ده انت متحارب من ايام عشرين مليون مايعرفوش الله اكبر اجرك حاليا.. يعني كتمتي في قلبك 6 سنين ؟وبعدين دي مش شغلته ان حد يرفض دور فا يتقهر ويكلمه يردح له..يعني حتي لو حصل اشمعني دلوقتي ياحاجه لاحول ولاقوة الابالله العلي العظيم..انا اتشرفت بيها وعملت معانا في مسلسل الرحايا اخت نور ابو دياب زوجي واتقابلنا كتير كانت ماليه الشغل علينا أسالوا الجميع والله حاجه كده خيال بتتعامل حقيقي باسلوب فاتن حمامه شوفوا بقي الرقي ماهو قول لي من تعاشر”
واختمت تعليقها قائلة: “ربنا يهدي الجميع لبعض ويهدي النفوس هو احنا بندور علي مشاكل بأثر رجعي..والله ما مستاهله حقك عليا انا ولو ان اقسم بالله قسم يتهز له 7 سموات دي مش اخلاق محمد..واللي هايقول سبوبه وقرف ورحمة امي هازعل لانكم حبايبي وعارفين اني حقانيه ومابياخد الروح الا اللي خلقها..واشكركم”.
اقرأ أيضاً..