حرص الفنان خالد سليم على الاحتفال بـ تخرج ابنته الكبرى نور من المدرسة الثانوية، حيث أعرب عن شدة فرحته بـ تخرجها، مشيرًا أنه سيظل يدعمها في جميع خطوات حياتها.
وشارك خالد سليم صور وفيديو من حفل تخرج ابنته نور من المدرسة الثانوية، وذلك عبر حسابه الشخصي بموقع تبادل الصور والفيديوهات القصيرة انستجرام، وكتب عليها، قائلًا: النهاردة.. كان يوم مميز جدًا ليا.. اختلطت مشاعري بشكل غريب.. بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن.. أو إني أدخل في فيلم أو مسلسل والشخصية يكون فيها اختلاف في المشاعر في كل مرحلة.
وأضاف: النهاردة أنا عيشت 4 ساعات مليانين سعادة وخوف وفخر ودموع ومحبة وشجن.. حفلة تخرج بنتي الكبيرة نور.. كنت سعيد إنها وصلت للمرحلة دي بكل نجاح.. وكنت خايف عليها طول ما أنا شايفها بتتحرك قدامي.. وفخور بيها وبمحبة الكل ليها وشخصيتها الحلوة.
View this post on Instagram
واختتم خالد سليم كلامه، قائلا: دموعي والمحبة والشجن كانوا بسبب الحالة اللي كل الطلبة والمدرسين والعاملين في المدرسة كانوا فيها.. إن الدفعة دي هيمشوا ويسيبوا المدرسة ويبدأوا مرحلة جديدة.. ألف مبروك يا نور على النجاح والتفوق والتخرج.. واعرفي إني دايمًا فخور بيكي.. يا حب عمري.