فتاة الفستان/ دعم الفنان أحمد فلوكس الطالبة حبيبة طارق، بعد الواقعة التي حدثت معها وتعرضها إلى التنمر والتحرش اللفظي في الجامعة بسبب فستان.
ونشر صورة لها عبر صفحته الرسمية بموقع التواصل الاجتماعي “فيس بوك”، وعلق قائلاً: “لو ابني كبير شويه مكنتش اتردد لحظه اني اجي و اطلب ايدك لابني سيف . … ربنا يحفظك ….”.
وعلقت حبيبة على الصورة قائلة: “ده شرف كبير ليا والله وشكرا جدا لحضرتك علي كلامك ده ليا فرق معايا كتير نفسيا حقيقي انا مكنتش متخيله كميه الدعم دي .. شكرا فعلا كلامك كان فارق ليا كتير”.
ليرد عليها فلوكس قائلاً: “ماتشكرنيش يا حبيبه …. و اللي حصل اتعلمي منه حاجه واحده ان الدنيا دي بنعشها علشان نواجهه مواقف و نتعلم ، ماتخلهاش تأثر فيكي ابدا و لكن اعرفي الحكمه دايما من الدرس اللي ربنا عايزنا نتعلمه من المواقف دي …. و اوعي تخلي بشر تاثر فيكي ابدا ..انتي قمر و الدنيا كلها قدامك ربنا يكرمك يا عروسه”.
قصة فتاة الفستان بجامعة طنطا
وعلى صعيد متصل، روت الطالبة حبيبة طارق تفاصيل الواقعة التي حدثت معها في الحرم الجامعي، وذلك خلال مداخلة هاتفية مع الإعلامي عمرو أديب ببرنامج الحكاية المذاع عبر قناة ام بي سي مصر قائلة: “انا اتعرضت إلى التحرش اللفظي وانا بمتحن من المراقبين نساء ورجال، وذلك بسبب فستاني انا مش عارفة الفستان في ايه، والمراقبة تنداهلي ليه مش من حقها لا وكمان قالتلي انتي نسيتي تلبسي البنطلون وسط زمايلي وصحابي بقيت تنادي لكل المراقبين وتقولهم تعالوا اتفرجوا، يتفرجوا على اية؟؟!.. ولية تلفت النظر وتخلي الجامعة كلها تتفرج عليا وانا معملتش حاجة اصلا”.
واختمت انها ليست المرة الأولى التي تتعرض فيها إلى هذا الموقف قائلة: “وديه مش اول مرة اتعرض لحاجة زي كده في الكلية مرة كنت لابسة بنطلون واسع لاقيت مراقب بيعاكسني وانا معدية وبيقولي ايه يا قطة!!”.
وكشف الدكتور وليد العشري المتحدث الرسمي لـ جامعة طنطا، من خلال مداخلة هاتفية ببرنامج الحكاية الذي يعرض عبر قناة Mbc مصر الفضائية، قائلاً: “احنا سمعنا الموضوع من طرف بينتا حبيبة، وفعلا احنا في الجامعة والجامعة بتعمل بشكل مؤسسي، وكان المفروض بعد هذة الواقعة تتوجه مباشرة او على الاقل تاني يوم إلى السيد والدكتور عميد الكلية عشان تاخد حقها بالقانون”.
وكان تعليق المتحدث الرسمية على ملابس الفتاة قائلاً: “احنا في جامعات مش بنفرض لبس معين على طالب، كل اللبس ده موجود في جميع الجامعات والفكرة مش في اللبس الفكرة في طبيعة الحوار اللي دار المراقب قانوناً من حقه ان يتأكد من هواية الطالب فقط، ولكن يجب احترام اولادنا وتعليمهم وتقديرهم، والحكم على أحد من خلال السماع من طرف واحد مرفوض تماماً”.
اقرأ أيضاً..
على نقيض فتاة الفستان.. منع محجبة من نزول حمام السباحة بسبب الحجاب