روت الفنانة فاطمة كشري تفاصيل تكفل الفنان أحمد مكي بجميع علاجها وكيف ساعدها.
وقالت كشري: “الفنان أحمد مكي أول ما عرف اللي حصلي، بعتلي مديرة أعماله علشان تطمن عليا و ادتني فلوس ودفعتلي حساب العلاج والأشعة، وقالتلي إن الفنان أحمد مكي اللي بعتها علشان تطمن عليا”.
وتابعت قائلة: “الدكتور قالي لازم أقعد في مكان الجو فيه حلو ومش حر، وعرف مكي بالموضوع، ولقيتهم بيكلموني من البيت بيقولولي إنه بعت ناس تركبلي تكييف.. ومش بس كدا.. دا مديرة أعماله لما بعتهالي امبارح عشتني وجابتلي كباب وكفتة.. ربنا يكرمه أنا بحبه جدا وهو فنان جدع ومحترم.
ومن جانب أخر صرحت الفنانة فاطمة السيد عوض الله الشهيرة بـ”فاطمة كشري”، مستجدات حالتها الصحية بعد تعرضها إلى وعكة صحية بسبب خطأ طبي.
وكشفت لـ أوان مصر في تصريحات خاصة إنها أجرت عملية “الفتاق”، لأنه كان سيتسبب لها في “غرغرينة”، مضيفة: “ربنا لحقني وكرمني بدكتور كويس ومش طالبة غير الدعاء”.
وأكدت أنها تمر بحالة صحية جيدة، موضحة بأسلوبها المعهود: “ أنا زي البمب وأمد إيدي في الحديد أفلقه نصين”.
وطلبت فاطمة من الجميع الدعاء لها قائلة: “انتو حبايبي، وكل الي اشتغلت معاهم واللي عاشرتهم واللي عشارتهم برة.. ادعولي النومة دي مش بسيطة”.
اقرأ أيضاً..
فاطمة كشري تكشف عن وقوعها ضحية خطأ طبي: نسيوا شاش في بطني