كشفت الفنانة فاطمة عيد، سر حياتها الهادئة مع زوجها، رغم وجود زوجة أولى له وأولاد، مشيرة إلى أنها حاولت كسب ضرتها بطريقتها الخاصة.
وقالت “عيد” خلال حوارها مع الإعلامية ياسمين عز، ببرنامجها “كلام الناس”: “كل اهل جوزي رضيوا بجوازنا ورضيوا عني كل الرضا، وكمان صاحبت ضرتي، وبقيت اكلمها واسأل عليها، ولو احتاجت اي حاجة اعملها، وهي حبتني حب اكتر ما كانت بتحب نفسها، بعاملتي الحلوة كسبتها، وجوزي اتبسط لما لاقنا بقينا صحاب”.
وأضافت: “كنت بقولها الجواز رزق مكتوب، واحنا مكتوبين لبعض، وحتى لو زعلتي زعلك مش هيفيدك بحاجة لأن الفاس وقعت في الراس فخلاص انا وافقت على كده وانتي كمان وافقتي على كده، وكل حاجة مكتوبة عند ربنا”.
وتابعت: “طول عمري محافظة على طيبتي والحياة والفن مخلتش حاجة تتغير فيا، وبعتبر اللي بصاحبهم اخواتي”.
أبرز تصريحات فاطمة عيد
وكانت قد أكدت المطربة الشعبية فاطمة عيد، أنها تحب زوجة زوجها الأولى شفيق الشايب، مشيرة أنها ليس لديها أي مشكله في حالة عودتهم مرة أخرى.
وأضافت خلال حوارها مع الإعلامية منى عبد الغني، وهبة الأباصيري، وإيمان عز الدين، في برنامج الستات ميعرفوش يكذبوا، أنها كانت صديقة زوجة زوجها الأولى، وتعتبرها بمثابة أخت لها، معربةً عن حبها الكبير لها وتقديرها لها.
وقالت، إنها لن تغير على زوجها بسب ثقتها به، مؤكدة أنه رجل يتقي الله، قائلة: “لو زوجي ملوش خير في زوجته الأولى يبقى مالوش خير فيا، معنديش مشكلة علشان أنا اللي جاية عليها، أنا ربيت أولاده من زوجته الأولى، وأنا وهي كنا أصحاب، وزوجي رجل حقاني جدًا، وعمره ما جه عليّا يوم”.