تستأنف الدائرة الخامسة جنايات المنصورة، غدًا الإثنين، نظر محاكمة “إمام مسجد” بتهمة هتك عرض طفلة بقرية منشأة البدوي مركز طلخا بالدقهلية.
وكانت قد نظرت محكمة جنايات المنصورة الدائرة الخامسة في وقت سابق برئاسة المستشار ضياء الدين محمد أبو الوفا، أولى جلسات محاكمة إمام وخطيب بأوقاف الدقهلية لقيامه بهتك عرض طفلة في منزله.
قرار الإحالة
وكان المستشار علاء السعدني المحامي العام الأول لنيابات جنوب الدقهلية، قد أحال المتهم لمحاكمة عاجلة أمام محكمة الجنايات بعد اعترافه بهتك عرض طفلة تبلع من العمر 11 عامًا.
تفاصيل الواقعة
تجرد “سليمان فايد” خطيب وإمام مسجد الصفوة بقرية منشأة البدوي التابعة لمركز طلخا بمحافظة الدقهلية من الإنسانية، بعدما قام بهتك عرض طفلة، تبلع من العمر 11 عامًا اثناء ترددها على منزله لحفظ القرآن الكريم.
ولخصت الأم مأساة ابنتها مع الشيخ قائلة: «احنا استأمناه على بنتنا علشان شيخ جامع وحافظ لكتاب الله وكانت بتروح له كل يوم تحفظ القرآن بالتجويد وهي ما شاء الله عليها ختمت القرآن ومؤدبة وبريئة لكن للأسف خان الأمانة واغتال براءتها وطفولتها، وأنا زوجى متوفى من 4 سنين وبشتغل علشان أصرف على أولادى وكنت حريصة انى أحفظهم القرآن علشان يحميهم وبنتى جنة متفوقة وبتحفظ القرآن بانتظام لكن فجأة بقت ترفض تروح تحفظ القرآن سواء عند الشيخ سليمان في البيت أو في الحضانة اللى بيحفظ فيها وكنت أجبرها تروح وكنت فاكرة ان ده بسبب الدلع وانها عايزة تلعب وتترك حفظ القرآن لكن نفسيتها بدأت تتعب وشعرها يقع وأنا مش فاهمة في ايه وروحت بها عند دكتور وقال ان نفسيتها وحشة ومحتاجة اهتمام وطلب عمل تحاليل لها».
وأضافت الأم : «مكنتش فاهمة وكنت بضغط عليها تروح تحفظ القرآن عند الشيخ حتى فوجئت في يوم بنت عمها قالت لى احنا عايزين نقولك حاجة بس متضربيش “جنة” فـ خوفت وقلت لها مش هضربك طبعا بس قولوا ايه اللى حصل فقالت “بنت عمها” ان الشيخ سليمان واحنا في الحضانة كان عايز يدخل جنة غصب عنها حجرة وكتم نفسها وشدها من ايديها وهى كانت بتعيط ولما أنا شفته سابها وقلت لجنة تقولك قالت لأ ماما هتضربنى والشيخ هيقتلنى».
«لم اصدق ما حكته بنت عمها وسألت “جنة” أكدت اللى حصل وكانت مرعوبة فطمنتها وقلت لها مش هضربك بس هو عمل كده من قبل فـ البنت اتشجعت وقالت لى آه في البيت عنده وأخدنى وقفل الباب بعد العيال مامشيت وكتفنى وكتم نفسى وأنا كنت بصرخ وأعيط وبعدين قلعنى البنطلون ونيمنى على السرير على بطنى وقعد يعمل حاجات وجعتنى أوى بس مش عارفة كان بيعمل ايه».
وتابعت: «جريت على الشيخ اسأله ازاى يعمل كده وأنا نفسى يقولى محصلش وان بنتك بتتخيل لكن فوجئت انه بيقولى كل ده علشان بوسة أنا بوستها بس ومعملتش حاجة فاتصدمت وأخدتها وروحت كشفت عليها والدكتور قالى ان غشاء البكارة سليم لكن في آثار اعتداء من الخلف فقلت لأعمامها وعملنا محضر والطب الشرعى أكد أن في استخدام من الخلف أكثر من مرة يعنى الواقعة ثابته عليه والبنت نفسيتها متدمرة».
وبتقنين الإجراءات واستئذان النيابة العامة، تم ضبط المتهم وأحيل للنيابة العامة للتحقيق ونفى المتهم تعديه جنسيا على الطفلة، ولكنه اعترف أمام النيابة العامة أنه تحرش بها قائلا «لم يتعد الأمر سوى التلامس والقبلات فقط دون وجود أي علاقة جنسية أو هتك عرض».