أكدت الفنانة غادة إبراهيم، على النجم الراحل سمير صبري، وقف بجانبها في أزمتها عام 2016، عندما قبض عليها بتهمة الدعارة وأعمال منافية للآداب.
وقالت غادة خلال لقاءها مع «أوان مصر»: “سمير ده انا شوفت معاه كل الخير، وفي أزمتي 2016 مسبنيش، وبقى يقول ديه بنت ناس انا عارف اهلها، وبنت محترمة واتظلمت وهتطلع براءة، وفعلا وقتها لما طلعت براءة عرفت مين صديقي ومين عدوي في الزنقة اللي كنت فيها، وفضلت ماسكة في سمير بايديا وسناني، وانا اصلا من الاول كنت عارفة انه معدنه اصيل
وأضافت: “وانا عارفة عيلته، وهو انسان خير ومبيسبش حد في مستشفى او في جنازة أو مرض، بيساعد كل الناس”.
أزمة غادة إبراهيم وإلهام شاهين
وأكدت غادة في تصريحات خاصة لـ «أوان مصر» على أنها طردت من الحافلة المخصصة لنقل نجوم الوسط الفني من مسجد الشرطة، الذي أقيم به صلاة الجنازة على الراحل سمير صبري، إلى مدافن العائلة بالإسكندرية، التي من المقرر دفنه بها.
فقد قالت غادة لـ «أوان مصر»: “الحيزوبنتين رفضوا يركبوني الباص معاهم، بتقولي الباص اكتمل دول ناس ميعرفوش يعني ايه اخره ولا يعرفوا ربنا، ويعني ايه تربة، دول لسه كانوا بيصلوا على الواحد خيره على الكل، حسبى الله ومنهم لله الحيزبونتين إلهام بنت سعاد وإلهام بنت عفاف”.
وأضافت غادة إبراهيم: “كنت عاوزة اروح ورا سمير الاسكندرية، وقالولي الباص اكتمل خلاص، بس لو عايزه اركب الباص واعمل مشكلة كنت عملت بس في يوم وفاة العزيز الغالي على قلبي”.
وأردفت: “حيزبونة زبالة شكل المئشة، ادعي عليهم وانا صايمه الهام والهام”.