حل بالأمس عيد ميلاد أشرف زكي، نقيب المهن التمثيلية، وهنأ عدد كبير من نجوم الوسط الفني عبر موقع أوان مصر في تصريحات خاصة، ونرصد أبرز التهاني خلال هذا التقرير.
عيد ميلاد أشرف زكي.. نجوم الفن يهنئون نقيب الممثلين
هنأت الفنانة القديرة إلهام شاهين، الدكتور أشرف زكي، بمناسبة حلول عيد ميلاده الـ 61، وقالت في تصريح خاص لـ «أوان مصر»: “د. أشرف زكى أخويا الغالى و صديقى الجدع جدا جدا .. ربنا يسعدك و يفرح قلبك .. و تكون سنه جديده مليئه بالخير لك و لأسرتك.. وربنا يحققلك كل ما تتمناه تستحق السعاده وربنا يديم صداقتنا الحلوة”.
وهنأت الفنانة وفاء عامر، وقالت في تصريحات خاصة لـ أوان مصر: د.أشرف زكي مفيش أي حد بيلجأله الا و بيقف جنبه ومفيش أي عزا الا ويكون موجود حته لو هو مسافر ،هو دايما جابر الخواطر .
وتابعت:كل سنة وانت طيب وكل سنه وانت طيب للخواطر، ويارب دايما تفضل بينا وان شاء الله ربنا يردلك كل ده كل سنة و انت العطاء كله ، وكل سنه وانت بتقدملنا كل حاجه حلوة وبنتعلم منك.
عيد ميلاد أشرف زكي الـ 61
هنأ الفنان شيكو، وقال في تصريحات خاصة لـ أوان مصر قائلاً: ده البرنس بتاعنا اقوله كل سنة وانت طيب ربنا يخليك لينا هو فعلا سند لينا كلنا ومفيش اي حد مننا ملوش موقف مع اشرف زكي هو من احسن الناس اللي مسكت النقابة وهو كموظف بيقوم بدوره في البلد فهو من أكفأ الموظفين في مصر، بيقوم بدوره بشكل كبير دوره جوه النقابة او براها.
هنأت هند سعيد صالح، ابنة الفنان القدير الراحل سعيد صالح، في تصريحات خاصة لـ أوان مصر: كل سنة وهو طيب وكل سنة وهو واخد باله من الفنانين كلهم الصغير قبل الكبير، وانا بتكلم عن تجربة شخصية عمره ما ساب بابا ولا في محنه ولا في مرض، وهو شخصياً عارف هو عندي ايه ، يارب دايما يكون ناجح و واخد باله من الناس كلها.
وجهت الفنانة منة فضالي، رسالة تهنئة، للدكتور أشرف زكي في تصريح خاص لـ «أوان مصر»: “عشان هو النقيب، لكن عشان هو فعلا مثال للراجل الجدع بجد، ودايمًا بيضحي وبيقف مع كل الناس، ومبيسبش حق حد، كل سنة وانت طيب وعقبال مليون سنة يارب، ودايما فوق راسنا وجمبنا وفي ضهرنا طول العمر”.
أوان مصر تحتفل بـ عيد ميلاد أشرف زكي