أثار مطرب المهرجانات حمو بيكا، الجدل من جديد عبر السوشيل ميديا، بسبب هجوم المتكرر على المطرب عمر كمال، حيث أنه وجه إليه العديد من الاتهامات، من خلال مقطع فيديو نشره عبر حسابه الرسمي بموقع التواصل الاجتماعي “إنستجرام”.
وقال بيكا خلال الفيديو: “سلامو عليكو لكل اصحابي واخواتي وكل الناس اللي مني.. من حوالي شهر كده، عمر كمال جابلي شاعر أسمه “أحمد أوسة”، وقالي ياعم ما تيجي نعمل أغنية جديدة، وانا وافقت وقولتله تمام ياعم، وكتبنا الأغنية وسجلناها، وجاهزة من شهرين أو تلاتة”.
وأردف: “قولتله يلا بينا يا عمر ننزل الأغنية، قالي انا عندي بس أغنية مع شيماء المغربي هنزلها وبعدين هنزل الأغنية بتاعتك، قولتله خلاص تمام، وأجلتها وبعد ما نزلت أغنيته شيرتها وباركتله”.
وأوضح سبب خلافه مع عمر: “واستنيت بعدها حوال 15 أو ٢٠ يوم كده، وكلمته تاني قالي معلش يا حبيبي لما أرجع من السفر هكلمك، بعدها اتفاجئت أنه نزل أغنية جديدة ليه وشيرها على صفحته، وبعدها بشوية الاقيه رافع اغنية تانية”.
View this post on Instagram
حمو بيكا يجدد الخلاف مع عمر كمال
واستطرد: “قابلته امبارح في عيد ميلاد حد اخونا، ومعرفة مشتركة بينا، قولتله عاوزين ننزل الأغنية بكرة وانت بس ترفعها عندك وتقول للناس اسمعوا الأغنية الجديد وخلاص، قالي تمام ماشي، وكان فيه ناس شاهدة على الكلام ده، لكن جيت رنيت عليه بعدها فوق الـ 6 أو 7 مرات مردش عليا.. أنا أصلا عملتله بلوك من عندي”.
واتهم حمو بيكا عمر بالتكبر والتعالي بعد الشهرة: “انت لما ربنا عطاك بقيت تتكبر وتشوف نفسك على الناس، هو لسه ربنا معطكش أوي يعني.. انا بقى مش من الناس، أنا كنت أول حد عملتك أغنية والناس عرفتك بيها، يعني ربنا ثم أنا”.
ووجه إليه رسالة، قائلًا: “انجح بنفسك وبطولك ومتخليش حد ينجحك، وريني مهاراتك، لأن كل الناس في المجال عارفة انت ايه”.
واختتم حمو بيكا: “يا خسارة العيش والملح اللي كلتوا معاك، أنتوا مينفعش معاكوا الإنسان الطيب، ومتفكرش لما أنت مش هتشير الأغنية دي أنها هتروح، أنا ممكن أخش امسحها دلوقتي ولا يهمني، وارميها في الزبالة.. مع السلامة يا صحاب مزيفة”.