وجه عمر كمال رسالة لمتابعيه عن الحسد وجاء ذلك عبر صفحته الرسمية بموقع التواصل الاجتماعي “فيس بوك“.
وكتب قائلاً: “معاهم فلوس مش عارفين يودوها فين..(عندهم أمراض متتعالجش بالفلوس تاخد مليون وتديلهم صحتك ).. جوزها بيفسحها كل يوم في مكان (أمها متوفية تبدلي معاها ..دي تبيع الدنيا وما فيها وتشوف أمها لحظة )… بنتها تخينة ( بتتعالج بالكورتيزون)”.
وتابع قائلاً: “دول بيضحكوا وسعداء وكل يوم مع ناس شكل ومش شايلين هم حاجة (أبوهم سندهم راح وبيحاولوا يلهوا نفسهم بدل ميغرقوا فالحزن )… دي بتشتغل وناجحة وبيتها بيلمع من النضافة (آخر اليوم بتنام وحيده وتتمنى ربنا يرزقها بذرية يملوا عليها البيت )”.
واضاف قائلاً: “ياريت قبل ما نشوف نعمة عند غيرنا ونتمناها نفكر الأول هتدفع ادامها نعمة ايه متوفرة عندك .. لان مفيش حد بياخد كل حاجة .. دي دنيا.. الحسد سوء ادب مع الله .. و سوء ظن بالله… نشكر ربنا علي النعم اللي عندنا و نفرح لغيرنا لان رزقهم مش مبني على رزقك و لا اخد منه حاجة”.
واختم حديثه قائلاً: “بجد انتو بقيتو وحشين اوي اوي اوي كده ليه..والحسد جاي م القريب قبل البعيد.. الف حمد وشكر ع حاجه مش فينا ابتلي بها غيرنا”.
ويشارك في مسلسل “بنت السلطان” المقرر عرضه في السباق الرمضاني القادم لعام 2021، وتدور أحداث المسلسل حول إطار درامي مشوق، ومن بطولة ندى موسى، محمود حافظ، حسن أبو الروس، أحمد مجدي، محمود حجازي، سوسن بدر، أحمد بدير، نانسي صلاح، والعديد من ضيوف الشرف منهم بيومي فؤاد، ومن إخراج أحمد شفيق، وتأليف ايمن سلامة.
اقرأ أيضاً..
علي ربيع وعمر كمال ينتهيان من تسجيل تتر «أحسن أب»
عمر كمال: مسلسل بنت السلطان في رمضان 2021