أبدى المطرب المهرجانات عمر كمال تعاطفه مع صحفيي الفن، قائلا:”الصحفيين والمراسلين دول بنى أدمين على فكرة وبيحسوا وعندهم شعور زينا ديه معلومة فايتة فنانين كتير !!”.
وقال عمر كمال عبر صفحته على فيسبوك:””يبقى الفنان أو المنتج بتاعته أو مدير أعماله داعى الميديا صحافة وقنوات ومواقع يغطوا الحدث بتاعه سواء فيلم أو أغنية أو أى عمل والناس تيجى تعمل شغلها وتلاقيهم بيعاملوهم بمنتهى قلة الأدب والذوق”.
وأضاف:”شاب أو شابة يا عينى تلاقيه جاى موصلات ولا واخد عربية على حسابه ومستنى الأستاذ بالساعات وياريتهم بيجوا ف مواعيدهم لازم التأخير كام ساعة عشان خاطر النجومية تظبط والكاريزما ويتنطط عليهم ويحرجهم وكأنهم بيتطفلوا عليه مثلا”.
ووجه عمر كمال رسالة للفنانين، قائلا:”هما جايين عشان يساعدوك ف نجاحك هما مش أعدائك !؟”.
كما وجه حديثه للصحفيين، قائلا:”اللى يحرجك أحرجه واللى يتنطط عليك سيبه وأمشى أنتوا بترضى على نفسك كده ليه مش فاهم ؟!!!!”.