عبر الفنان عمرو عبد الجليل عن شدة سعادته بمسلسله الجديد الضاحك الباكي، والذي يحكي عن السيرة الذاتية للفنان الكبير الراحل نجيب الريحاني.
قال عمرو عبدالجليل خلال ندوة مسلسل الضاحك الباكي:«أنا مبعرفش اتكلم ولما بعمل دور بحس إني عملت اللي عليا وبحب اسمع الناس وافهم، وأنا مش شبه نجيب الريحاني لكن هو بيقلدني والماكيير شاطر».
وأضاف:«الدور كله كان صعب وأنا عارف إن الناس هتبص بصة غريبة، وإحنا مش بنقلد ولو اهتميت بالشكل دا غلط، والأهم نهتم بالروح والتفاصيل وأحاول أوصلها مش أقلده، ولو الرهان أقلده مش هشتغل والمونولوجست هيبقى أحسن مني لو كدا».
وتابع عمرو عبد الجليل: «الفضل يرجع لـ المخرج محمد فاضل؛ لأنه وصلني لمعاني وأحاسيس عميقة وبيعمل بروفات ودي حاجة اختفت في الوسط الفني وبقت موضة، وبقى صعب يكون معايا الورق كامل واستفدت منه كتير وكان الوقود اللي اشتغلت بيه العمل كله وهشكره مدى الحياة».