واجه الإعلامي عمرو أديب، الفريق كامل الوزير، وزير النقل والمواصلات، بسؤال قال إنه تردد بعد حادث تصادم قطاري سوهاج، أول أمس الجمعة.
وقال أديب، أثناء مداخلة وزير النقل لبرنامج “الحكاية”، عبر قناة “إم بي سي مصر”: “لماذا لا يقال كامل الوزير؟ أو لماذا لا يستقيل كامل الوزير”.
ورد وزير النقل على عمرو أديب، قائلا إنه جندي مقاتل لم يعتد الهرب، مضيفا: “أنا طبعي الشخصي من يوم ما اتخرجت من الكلية الفنية العسكرية وأنا أقاتل، حتى قبل كده أنا فلاح ابن فلاح متعود أتحدى وأزرع غيطي.. لا يمكن أهرب”.
وتابع: “لو أنا النهاردة قدمت استقالتي وكل وزير حصلت عنده حاجة قدم استقالته، طب ما أنا كان من باب أولى أقيل رئيس هيئة السكة الحديد، بس لو عملت كده ما أبقاش بفهم”.
وواصل كامل الوزير: “ما يقدر على القدرة إلا ربنا، أنا بعمل كل ما أعندي، بتعب آه لكن تحت أمر بلدي وتحت أمر رئيس الجمهورية اللي وثق فيا عشان ما أخذلوش، وهفضل أكمل تطوير”.
وأتم: “لو الناس شايفة إني متخاذل ومبشتغلش أنا هطلع أقول أنا ماشي، لكن مش الحل إني أهرب، لو هربت أبقى خاين”.
وزير النقل يرد على سؤال عمرو أديب: لماذا لا يقال أو يستقيل كامل الوزير؟#الحكاية#MBCMASR
أصل الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/Tk0EBXb8A5 pic.twitter.com/hb9g3cZl6c— MBC مصر (@mbcmasr) March 27, 2021
وشهدت محافظة سوهاج، أول أمس الجمعة، حادثا كارثيا، بتصادم قطارين على السكة الحديد في طهطا، خلّف العشرات من الوفيات والضحايا.
«ما أقدرش أتحمل مسئولية أرواح تاني».. الوزير يكشف تفاصيل حديثه مع الرئيس السيسي (فيديو)
كامل الوزير: «سائق القطار القادم من الخلف غلطان 100 %.. اتحذر بكل الوسائل» (فيديو)