شارك اليوتيوبر الشهير علي غزلان متابعيه صورة تجمعه بوالديه ووزوجته، وجاء ذلك خلال صفحته الرسمية بموقع تبادل الصور والفيديوهات “إنستجرام”.
علي غزلان يودع والديه
وودع والديه بكلمات مؤثرة وعلق قائلاً: “آخر ليلة في سريري. رفوف دولابي بقت فاضية وهدومي اتنقلت لبيتي التاني . قفلت النور والكل نام .. بس انا مش عارف انام . مشاعر مضروبه في الخلاط ،، فرح،خوف،مسئولية،رهبه،ارتباك . بكرة هبدأ حياة جديدة مع اللي اختارها قلبي .. بس في اتنين مينفعش متكلمش عنهم”.
وتابع قائلاً: “أمي وأبويا .. هعيش طول عمري خدام تحت رجلكم ، ربيتوني أحسن تربيه ومبخلتوش عليا ولو حتي بالنصيحه . طلعتوني راجل أعتمد علي نفسي وأشيل المسئولية . شكراً لإيديكوا اللي ربتني واللي شات هم كتير. شكراً اني وقت شدتي اتسندت عليكوا وكنتوا أقوي جبل. شكراً علي الرضا اللي علمتهولي وازاي تبقي عيني مليانه”.
وأضاف قائلاً: “وجملة ( الواحد لو كل كباب هيشبع ولو أكل لقمة بملح هيشبع برضه ) شكراً إنكوا خليتوني أرفع راسي لما بروح مكان بمجرد لما حد يعرف اني ابنكوا . بحبكم . مش هتوحشوني أوي ، عشان انا ومراتي هنبقي عندكوا أكتر مانبقي قاعدين ف بيتنا “.
View this post on Instagram
علي غزلان يحتفل بعقد قرانه
واحتفل البلوجر علي غزلان اليوم الموافق 27/11/2021، بـ عقد قرانه على ملكة جمال مصر لعام 2017 فرح شعبان، وسط أجواء مبهجة، بمسجد الشرطة، وحرص عدد كبير من مشاهير السوشيال ميديا والفنانين على حضور عقد القران، وعلى رأسهم الفنان حمادة هلال والفنان أحمد تهامي.