تحدث الكابتن “علي غزال” لاعب نادي سموحة، من خلال استضافته في برنامج “ملعب أون تايم” مع الإعلامي “أحمد شوبير” المُذاع عبر قناة أون تايم سبورت، عن مسيرته الكروية.
وكشف: “أنا لم أتعرض للتنمر في الخارج إطلاقًا”.
وأوضح: “اللي زعلني إني لما أتعرض للتنمر أتعرضله في بلدي”.
وأضاف: “بس بعد كدا لما فكرت مع نفسي لاقيت إن أغلب الناس اللي على السوشيال ميديا إما أعمارهم صغيرة، أو مش مثقفين ومعندهمش الوعي والدراية الكافية لكدا”.
وتابع: “دلوقتي اللي الناس مش هتعرف تقوله في وشك، هتروح تدارى وراء أكونت على السوشيال ميديا وتقوله عليك”.
وأكمل: “زوجتي أضايقت طبعًا وأنا حاولت مكبرش الموضوع وأقولها مواقف حصلت معايا زمان على سبيل الهزار والموقف عدى الحمدلله”.
وواصل: “وفي ناحية تانية لاقيت ناس كتير وقفت جنبي، ودول المثقفين وبدأوا في توعية المتنمرين والدفاع عني”.
وأشار: “اللي استفادته من موضوع التنمر ده أن الإعلام وضع الضوء على الموضوع بشكل أكبر وابتدى يتم التحذير فيه والاهتمام به”.
علي غزال: لم أتعرض للتنمر خارج مصر.. وأكتر حاجة زعلتني إني اتعرضتله في مصر#ملعب_ONTime#ONTime_Sports pic.twitter.com/FscvfqCiUn
— OnTime Sports (@ONTimeSports) December 25, 2020