تصدرت بالأمس فتاة تدعى حبيبة طارق تريند عبر والسوشيال ميديا، واثارت الجدل بسبب ارتدائها لـ فستان محتشم ولكنه قصير، وتعرضت إلى الانتقادات والتنمر والتحرش اللفظي من رجال وسيدات، واليوم حدث واقعة أخرى مع محجبة تدعى دينا هشام كانت تريد ان تنزل حمام السباحة ولكن إدارة شركة بالم هيلز منعتها من ذلك لانها ترتدي مايوه شرعي، ويريدون منها أن تخلع الحجاب وترتدي مايوه غير شرعي.
منع فتاة محجبة من نزول حمام السباحة لإرتدائها مايوه شرعي
نشرت الفتاة بث مباشر لها عبر صفحتها الرسمية بموقع التواصل الاجتماعي فيس بوك، وروت في تفاصيل ما حدث معها، قائلة: “انهاردة قررت ان اروح انزل البسين مع واحدة صحبتي في بالم هيلز، وكنت بحضر حاجاتي وبلبس المايوه بعدين لاقيت ماما بتقولي خلي بالك ممكن يكونوا منعين المحجابات، ومش بيخلوهم ينزلوا حمام السباحة كدة”.
وأشارت قائلة: “المايوهات العريانة اوكية، انما الشرعي مينفعش، وصحبتي راحت سألت وقالولها سوري مينفعش تدخل كدة ليه كفاية قهر بقى، انا عمري ما حسيت في كندا ان حجابي كان مشكلة عايشة في كندا بقالي 10 سنين اول سنة ليا انزل مصر، عايزين بس نقلع ونشرب ونتكلم انجليزي وفرنساوي اوكية، انما نقبل ازاي ان البنات تغطي جسمها ازاي ياريت كفاية بقى وياريت نعقل بقى”.
وتفاعل مع هذة الفتاة الكثير من رواد السوشيال ميديا، وعلقت البلوجر رانيا يحيي على الواقعة عبر صفحتها الرسمية بموقع التواصل الاجتماعي فيس بوك قائلة: “البنت دي عملت لايف تحكي فيه موقف اتعرضلتله و هي منهارة و هو موقف كل صيف ، ادارة بالم هيلز منعوها تدخل تنزل ال pool عشان محجبة .. محجبة .. محجبة .. وانا مش فاهمة هنفضل في القرف ده لحد امتى بصراحة و ليه نحسس المحجبة انها هتدخل توسخ المكان بأفكارها !!
ممكن زي ما بحترم قلعك تحترم لبسي !!!”.
وليست المرة الأول يحدث ذلك حيث روت سيدة نفس الموقف من خلال جروب عبر “فيس بوك” وقالت : “أنا مشتركة في نادي وادي دجلة، فرع النخيل، جيت أنزل حمام سباحة هادي كدة، خاص بالكابلز، مع زوجي، واكتشفت إنه ممنوع.. قالوا لي ممنوع مايوه شرعي، ووريتهم خامة المايوه، إنها كويسة ونضيفة، ومرضيوش برضو، فرحت لمدير حمام السباحة، رد وقالي ديه تعليمات والله”، وتساءلت السيدة عن الإجراءات التي تستطيع اتخاذها ضد المكان، قائلة: “إيه الإجراءات التي تتاخد في حاجة زي ديه، وإيه الجهة اللي ممكن أبلغها، أو اشتكي فيه”.
قصة فتاة الفستان بجامعة طنطا
وعلى صعيد متصل، روت الطالبة حبيبة طارق تفاصيل الواقعة التي حدثت معها في الحرم الجامعي، وذلك خلال مداخلة هاتفية مع الإعلامي عمرو أديب ببرنامج الحكاية المذاع عبر قناة ام بي سي مصر قائلة: “انا اتعرضت إلى التحرش اللفظي وانا بمتحن من المراقبين نساء ورجال، وذلك بسبب فستاني انا مش عارفة الفستان في ايه، والمراقبة تنداهلي ليه مش من حقها لا وكمان قالتلي انتي نسيتي تلبسي البنطلون وسط زمايلي وصحابي بقيت تنادي لكل المراقبين وتقولهم تعالوا اتفرجوا، يتفرجوا على اية؟؟!.. ولية تلفت النظر وتخلي الجامعة كلها تتفرج عليا وانا معملتش حاجة اصلا”.
واختمت انها ليست المرة الأولى التي تتعرض فيها إلى هذا الموقف قائلة: “وديه مش اول مرة اتعرض لحاجة زي كده في الكلية مرة كنت لابسة بنطلون واسع لاقيت مراقب بيعاكسني وانا معدية وبيقولي ايه يا قطة!!”.
اقرأ ايضاً..