حلت الفنانة منة فضالي ضيفة على برنامج VIP، الذي يتم عرضه عبر شاشة قناة “هي”، وكشفت خلال الحلقة أسرار كثيرة عن حياتها الشخصية .
واستكملت منة: «طبعا اتعرضت للخيانة ودي قصة معروفة قفشته وحسيت أن في حاجة مش تمام ولقيت فضايح، أنا بحترم الراجل جدًا ومش ضده بل بالعكس، ودايمًا بشوف الراجل لما بيشوف واحدة على مراته يبقى العيب من الست أو هي اللي بتضطره انه يبص برا أو عينه فارغة».
وتابعت: «أنا مسرفة جدًا ولازم اللي يجيلي يبقى جيبه مليان، وأنا ارتبطت بواحد مكنش معاه 3 آلاف جنيه في جيبه، وصرفت عليه فلوس كتير، ومكنتش ناصحة وكنت صغيرة، نبقى خارجين مثلا ويحصل موقف ويخلع بطريقة ما».
منة فضالي: لما آجي أتجوز هلبس بدلة والعريس يلبس هو الفستان
وقالت منة فضالي، إنها خلال أعمالها الفنية ارتدت 30 فستان زفاف، موضحة أنها لن تقيم حفل زفاف في زواجها الوحيد.
وأضافت: «بفكر لما آجي أتجوز ألبس بدلة سموكين، وألبس العريس هو الفستان والعرسان دي موجودة كتير أوي».
واكملت منة : «دائما أرى أن الرجل عندما يعرف امرأة تانية على مراته، تكون زوجته السبب، أو هو اللي عينه فارغة».
وأردفت: «الست مينفعش تبص على راجل تاني، عكس الراجل، الراجل الخاين مبيتعيبش».
كما تحدثت منة عن طفولتها، وكيف عانت بسبب عدم وجود والدها في حياتها، وتركها عندما كانت مولودة ولديها شهرين فقط.
واستكملت منة فضالي: طبعا كان بيأثر في البداية طفولتي إن والدي مش موجود، ولكن ماما كانت مالية الفراغ.. وشغلالي دماغي ومش بقعد في البيت لوحدي.. وجدتي وجدي وخلاني معايا ديمًا.. ولما كنت بسأل عن بابا كانت بتقولي ماما: مسافر .. شغله بره مش موجود.
وتابعت: عارفه شكله وبشوف صوره.. كنت بشوف زمايلي في المدرسة بيبقى معاهم باباهم ومامتهم وانا معنديش بابا وكان بيضايقني الموضوع ده جدًا.. ولكن اختلف الموضوع لما كبرت بقيت أشوف الدنيا بشكل تاني.
وأضافت منة: الموضوع صعب جدًا بالنسبة للبنت لأن البنت بتحتاح لسند ولحضن يحسسها بالأمان.. ولما يبقى عندها مشكلة في المدرسة ترجع لباباها مش مامتها.. كنت ديمًا بلجأ لجدي وهو كان مدلعني أوي وأنا صغيرة.. حتى لما كنت بتعب بنده لماما واقولها: عايزة أشوف بابا .. طبيعي كانت واحدة صغيرة في مدرسة عايزة باباها.