حلت الفنانة القديرة عفاف شعيب، ضيفة ببرنامج «كلام الناس» الذي تقدمه الإعلامية ياسمين عز والمذاع على فضائية MBC مصر، وتحدتث عن تعرضها للسحر وزوجها رجل الأعمال رياض العريان.
وقالت عفاف: «واحدة عملتلي سحر عشان جوزي يسيبني وتخطفه مني، ولكن أنا قولت يا رب إنت وكيلي وبالفعل العربية اتقلبت بيها وعايشة طول عمرها عاجزة لأن عمري ما دعيت ربنا إلا وجابلي حقي، وأنا انفصلت عن زوجي ساعتها لأن العقد بيني وبينه انتهى خلاص.. زي المسلسل العقد بينتهي بعد ما بيخلص».
وأضافت: «عمري ما أخدت فلوس من زوجي رياض العريان زي ما الناس بتقول إني تزوجته عشان الفلوس.. بالعكس مرة كنت عايزة أشتري عربية مرسيدس سنة 1988 ومكنش فيه تقسيط والمبلغ كان كبير ويصل لـ 45 ألف جنيه، وطلبت اني أستلف منه الفلوس ورفض وقالي عربيتك حلوة مش محتاجة تغيريها.. وربنا بعتلي شغل والحمد لله جبت العربية من فلوسي».
حقيقة وفاة عفاف شعيب
وكانت أكدت الفنانة عفاف شعيب في تصريحات خاصة لها على موقع«أوان مصر» الاخباري أنها بصحة جيدة، قائلة: «أنا الحمدلله كويسة وصحتي تمام وكل الكلام دا مش صحيح بالمرة وعيب اللي بيحصل دا مينفعش».