كشفت الفنانة عايدة رياض عن مشوارها الفني، والتنقل من الرقص إلى التمثيل، مشيرة إلى أن يوسف شاهين أول من اكتشف موهبتها في التمثيل.
عايدة رياض مع لميس الحديدي
وذكرت عايدة رياض خلال لقائها ببرنامج كلمة أخيرة للإعلامية لميس الحديدي المذاع عبر قناة ON قائلة:” أثناء اشتراكي في فرق الفنون الشعبية كنت بختطف لحظات جلسة عشان اتفرج على كواليس الفرق الكبيرة في التمثيل، وكانت وقتها مشيرة إسماعيل ولحظة ما كنت بتفرج من الكواليس لقيت حد جيه مسكني من “قفايا” واتفاجأت انه الاستاذ يوسف شاهين ووقتها قال أنا عاوز البنت دي معايا وكان بيعمل وقتها فيلم وثائقي وسافرنا بره واخدني معاه ودربني على التمثيل وازاي أعبر عن المطلوب في المشهد وكان هو ليه الفضل عليا اني افهم يعني ايه تمثيل”.
عايدة رياض مع لميس الحديدي
وكانت قد أضافت عايدة رياض قائلة:” البمبوطية هي حياتي كلها وسر ارتباطي بالجمهور، وهي رقصة قريبة من قلبي اوي، وكان وقتها فيه مدرسة للفرقة البمبوطية، وانا كنت واحدة منها واختاروني من الفرقة اللي سافرت لبعثة لمدة 6 شهور”.
وواصلت:” كان سر دخولي فرقة البمبوطية هو اني كنت بدرب باليه من وانا صغيرة وبلعب جومباز وبعزف بيانو”.