كشفت الفنانة عايدة رياض عن أصعب مشاهدها في فيلم “أحلام هند وكاميليا”، وكيف تخلصت من خوفها ورهبتها أثناء مشهدها مع الفنانة نجلاء فتحي.
عايدة رياض عن”أحلام هند وكاميليا”
وصرحت خلال حوارها مع الإعلامية لميس الحديدي، ببرنامج كلمة أخيرة المذاع عبر قناة أون الفضائية، من السبت للثلاثاء قائلة:”أول مشهد عملته مع نجلاء فتحي سألتني فيه انتي جيبتي لبس المشهد ولا لأ قولتلها ملحقتش فقالتلي سعاد المساعدة بتاعتي جابت لبس اختاري منه الي انتي عاوزاه”.
وتابعت قائلة: “أول مصورت المشهد معاها وانا طالعة على السلم بدأت الحوار وانا في حالة ذهول ومكنتش عارف اقول الحوار بتاعي، وفضلنا نعيد المشهد مرتين وبعدها هي أدركت ان عندي رهبة وعرفت تتصرف معاها ازاي واخدنا استراحة وشربنا مع بعض قهوة وقتها انا عقدتي فكت وخلاص الرهبة راحت”.
عايدة رياض عن بدايتها في الفن
ومن جانب أخر، تحدثت عايدة عن خبراتها في مجال الفن وأشارت ان نور الدمرداش كان له فضل في ذلك، قائلة: ” لما رجعت للقاهرة وكنت بعرض على المسرح رقصة مع الفرقة الشعبية القومية وقتها الاستاذ نور الدمرداش كان بيتفرج على العرض وقال انا عاوز البنت ام شريطة حمرة واخدني معاه في عمل للاستاذ محمود المليجي واتفرجت عليه وهو بيأدي مشهد عظيم واد ايه كان ناقل المشهد باحاسيس عالية اوي وكان منهار من العياط ومن هنا ازدات خبرتي”.
وأضافت قائلة:” البمبوطية هي حياتي كلها وسر ارتباطي بالجمهور، وهي رقصة قريبة من قلبي اوي، وكان وقتها فيه مدرسة للفرقة البمبوطية، وانا كنت واحدة منها واختاروني من الفرقة اللي سافرت لبعثة لمدة 6 شهور كان سر دخولي فرقة البمبوطية هو اني كنت بدرب باليه من وانا صغيرة وبلعب جومباز وبعزف بيانو”.