كشفت الفنانة عايدة رياض عن سبب تغيبها عن حضور ندوة فيلم الكيث كات، كما أوضحت انه من أهم الاعمال في حياتها ومسيرتها الفنية.
عايدة رياض تتغيب عن ندوة فيلم الكيت كات لهذا السبب
وصرحت أثناء حوارها مع الإعلامية انجي القاضي ببرنامج “مساء dmc” الذي يعرض عبر قناة dmc في تمام الساعة 9 مساءً قائلة: “فيلم الكيت كات ده علامة من احلى العلامات من احسن 100 فيلم في السينما المصرية وهو من احسن الاعمال ومن احسن الادوار اللي قدمتها والكاست كله كانت ناس جميلة والاستاذ محمود عبد العزيز العملاقة، ومفيش حد هيعرف يكرر الفيلم ده تاني”.
وأوضحت اسباب تغيبها عن الندوة قائلة: “انا كلموني بليل الساعة 11 ونص بنت اسمها نسرين وطبعا هنا انتو مكلمني بقالكوا اسبوع وانا كان عندي تصوير وكنت متفقة ان التصوير يبقى نهار وطبعا النهار بيخلص الساعة 5، والبنت لما كلمتني قولتلها هحاول مع المخرج وانا اتمنى ان اكون موجودة في يوم زي ده وفيلم الكيت كات من اهو حدث في حياتي واهم عمل”.
عايدة رياض تروي تفاصيل تعرفها على محرم فؤاد
ومن جانب اخر يذكر انها حلت ضيفة ببرنامج كلمة أخيرة مع الإعلامية لميس الحديدي، وكشفت عن تفاصيل حياتها وتعرفها على الفنان محرم فؤاد، لافتة انها كانت تحب شخص أخر مختلف عن ديانتها.
وصرحت عايدة قائلة: “اتعرفت على محرم فؤاد في إحدى الحفلات الخاصة بقرفة البمبوطية وقتها كان عندي عرض وهو كان بيتفرج وبعد العرض لقيته طلبني بالاسم وقالي انا عاوزك تقدميني في حفلة انا هعملها وانا قولتله وقتها انا ماليش خبرة في المجال ده قالي انتي مش هتعملي حاجة اكتر من انك تعلني اسمي قبل الحفلة”.
عايدة رياض عن حياتها الشخصية
وتابعت قائلة: “وقابلت وتاني يوم روحت وكان فيه عمر خورشيد وندهلي وقالي عايدة انتي هتقدميني انا وقولتله تمام وبعدها والدتي تعبت وسافرت ومحرم مكنش عارف يوصلي وبعتلي ظرف فيه كارت بتليفوناته ومبلغ مشاركتي معاهم بعد انتهاء الموسم وانا مكلمتهوش”.
وأضافت قائلة: “لكن هو بعدها اتصل بيا وقالي انتي مكلمتنيش ليه وبعدها قال انه بيحبني وعاوز يتجوزني فوافقت عليه لكن قبلها كان في علاقة عاطفية بتربطني بواحد مختلف عن ديني وسيبنا بعض فده اللي خلاني اوافق على محرم عندا في الأولاني لكن نيتي كانت خطوبة لكن قلبت جد ومعرفتش افلسع”.