روت الفنانة عايدة رياض عن أكثر المشاهد التي ضايقتها، وبسبب انها عادت المشهد أكثر من مرة بسبب المخرج وبعدها اكتشفت انه كان على حق.
عايدة رياض عن أصعب مشهد في “أحلام هند وكاميليا”
وصرحت أثناء حوارها ببرنامج كلمة أخيرة مع الإعلامية لميس الحديدي، الذي يعرض عبر قناة أون الفضائية قائلة: “حصل معايا موقف ضايقني وقتها مع المخرج محمد خان خلال كواليس تصوير فيلم (أحلام هند وكاميليا)، كان فيه مشهد المفروض بحكي فيها لنجلاء فتحي اللي مضايقني وهي وقتها كانت بتسرحلي شعري وكنت بقى مذاكره المشهد اوي وحطيت ليه تخيلات معينة”.
وتابعت قائلة: “ولما بدأنا التصوير وانهارت من العياط في المشهد على حسب ما انا راسمة استاذ محمد قالي لأ مش عاوزه منك كده انتي احكي واسترسلي في الحكاية والعياط جيه ماشي مجاش خلاص لكن ادي المشهد حقه من الكلام، وقتها معجبنيش تعليقه لكن عملت طبعا الي طلبه ولما اتفرجت على المشهد في العرض الاول ادركت تفكيره وبجد كان روعة”.
عايدة رياض عن يوسف شاهين
كما تحدثت عن بدايتها في الفن ، والتنقل من الرقص إلى التمثيل لافتة ان يوسف شاهين له الفضل في دخولها الفن وهو اول من اكتشفها قائلة: “أثناء اشتراكي في فرق الفنون الشعبية كنت بختطف لحظات جلسة عشان اتفرج على كواليس الفرق الكبيرة في التمثيل”.
وتابعت: “وكانت وقتها مشيرة إسماعيل ولحظة ما كنت بتفرج من الكواليس لقيت حد جيه مسكني من “قفايا” واتفاجأت انه الاستاذ يوسف شاهين ووقتها قال أنا عاوز البنت دي معايا وكان بيعمل وقتها فيلم وثائقي وسافرنا بره واخدني معاه ودربني على التمثيل وازاي أعبر عن المطلوب في المشهد وكان هو ليه الفضل عليا اني افهم يعني ايه تمثيل”.